মনিপুরদা কুকি- জো কাঙলূপকি মিলিটেন্টশিংনা হীংশাগী ঈরাং চত্থরক্লিবা অসীবু কাঙলূপ অনীগী মরক্তা থোকপা ঈরাং অমা ওইনা উহন্ননবা অমসুং মপান্দগী লোন্না, আইনগী ৱাংমদা চঙশীল্লকপা ফোরেন মাইগরেন্টশিংনা চত্থরক্লিবা মীহাৎ-মীপুন কয়া অসীবু জষ্টিফাই তৌহন্ননবগী ৱাখল্লোন অমদা মিজোরামদগী হৌজিক রাজ্য সভাগী মেম্বর ওইনা লৈরিবা কে ভনলালবেনা কৌবা মীওই অমনা মনিপুরগী ইস্যু অসী লোইশিলহনগে হায়রবদি মৈতৈ অমসুং কুকি-জো কাঙলূপ অনীগী তোঙান তোঙানবা লম দিমারকেসন তৌদুনা সেন্টরনা য়েংশিল্লবা মতূংদা সেপরেট এদমিনিষ্ট্রেটিব য়ুনিটশিং শেম্বিগদবনি, মদূ নত্রিফাও লান অসি লোইগদবা লৈতে হায়না ফোঙদোকখিবদু য়াম্না কা হেঞ্জিনবা ৱাঙাঙনি হায়না ইনিংথৌ লৈশেম্বা সনাজাউবনা অকনবা ৱাফম ফোঙদোকখ্রে।
মহাক্কি ৱাফম অদু মথৌ শূকনৎ নত্তনা, মরী লৈনদবদা অতোপ্পা মীগী মনূংগী ইস্যুদা খূৎ থিংজিন্দুনা খাবৈ-খারা শাবনি হায়না মনিপুরগী রাজ্য সভাগী এম পি অমসু ওইরিবা নিংথৌ সনাজাউবনা ফোঙদোকখি। অফবা য়ূমথঙনবা মী অমা ওইনা নুংশি-চান্ননা লৈমিন্নসি, অফবা য়ূম্লোন্নবা মী অমা ওইয়ু হায়না সনাজাউবনা খূৎ থিন্দু না অকনবা ৱাফম ফোঙদোকখি।
নশাগী ষ্টেটকি ইস্যুদা ৱা ঙাঙঙু, মীগী ইস্যুদা ক্রোস তৌশিন্দুনা মথৌ শাগনু হায়না মনিপুরগী রাজ্য সভাগী এম পি ইনীংথৌ অসীনা মতীকচাবা মওংদা রিএক্ট তৌখি।
You may also like
-
নেস্নেল হায়ৱে-৩৭ দা লম্বী চৎপা য়ারমদবদু শেংদোকখ্রে, গারিশিং চৎপা হৌখ্রে
-
থাঙ-তা মশান্না অসী ওলেম্পিক গেম্সতা য়াওহন্দুনা শান্নরোয়শিংদা কান্নবা পীবা য়াই: প্রেমকুমার
-
লৈঙাক অমা নীংথিনা চল্লাইনবা হোৎনবদা মেদিয়াগী অচৌবা থৌদাং লৈ: চরঞ্জিৎ
-
সেন্টরগী লুচিংবশিংদা নোঞ্জরগা লৈঙাকপগী মহূৎ শিজখিবনা শরূক চাম্মা হেন্না ফৈ: ইবোবি
-
সোসিয়ল মেদিয়াগী চৈথেঙ মরক্তা অচূম্বা খন্দোকপদা অৱাবা কয়া মায়োক্নরি: হুংয়ো ৱার্সং