আসামগী উদরবোন্দ এরিয়া মনূংচন্না লৈরিবা গোসাইপুরদগী অদুগা হৌজিক্না ইম্ফাল নোংচুপ পানাগী লোইটাং খূনৌদা লৈবা লাইশ্রম কমলবাবু(৫6) কৌবা মীওই অমা চৎলিবা নবেম্বর থা অসীগী ২৫ দা থীকাগী থবক শূনবগীদমক লৈমখোংদা লৈরিবা ৫৭ শুবা মাউন্টেন দিভিজনগী আর্মী কেম্প তা চঙখিবদগী ঙসীফাওবা থিবা ফংদনা লৈরিবা অসীগী মায়োক্তা মীয়াম্না অকনবা প্রোটেষ্ট তৌখ্রে।
জোইন্ট এক্সন কম্মিটি এগেন্স দি মিসিং ওফ লাইশ্রম কমলবাবু না মীয়ামগা লোয়ননা ঙরাং আর্মী কেম্প অদূদা থোমজীল্লক্তুনা কমলবাবু ফংদ্রিফাওবা আর্মী পার্সনেল অমত্তা মপান্দা থোরকপা য়ারোই হায়দুনা কেম্প অদুগী গেট লোন্সিল্লবা মতূংদা মীয়াম অদুনা কেম্প অদুগী মমাঙদা ফমজীন্দুনা প্রোটেষ্ট তৌখিবগা লোয়ননা নুমিৎ হুম্নিফাওবগী মনূংদা কমলবাবু পুথোক্ট্রবদি হেন্না অকনবা খোঙজঙ চঙশীনগনি হায়খি। নাকল অমরোমদনা, কমলবাবু ফংদ্রিফাওবা সেক্যুরিটি ফোর্সনা ঙাইহাক লৈতনা থবক লৌখৎপা হৌখ্রে।
অহীং-নুংথিল লেপ্তনা সর্স ওপরেসন চত্থরক্লি।পুলিস অমসুং সেন্ট্রেল সেক্যুরিটি ফোর্সনা জিরিবাম দিষ্ট্রিক্টকি তোঙান তোঙানবা মফমশিং য়াওনা অকনবা ওপরেসন চত্থবা লেপ্তরি হায়রি। চৈরকশিদা, কমলবাবুগী ওইগনি থাজবা অশীবা হকচাং অমা তাদুনা লৈরে হায়না সোসিয়েল মেদিয়াশিংদা শন্দোরক্লিবদু মীয়াম্না থাজবিগনু, য়ূম্ফম য়াওদবা অমনি হায়না মনিপুর পুলিসনা ফোঙদোরক্লি।
You may also like
-
নেস্নেল হায়ৱে-৩৭ দা লম্বী চৎপা য়ারমদবদু শেংদোকখ্রে, গারিশিং চৎপা হৌখ্রে
-
থাঙ-তা মশান্না অসী ওলেম্পিক গেম্সতা য়াওহন্দুনা শান্নরোয়শিংদা কান্নবা পীবা য়াই: প্রেমকুমার
-
লৈঙাক অমা নীংথিনা চল্লাইনবা হোৎনবদা মেদিয়াগী অচৌবা থৌদাং লৈ: চরঞ্জিৎ
-
সেন্টরগী লুচিংবশিংদা নোঞ্জরগা লৈঙাকপগী মহূৎ শিজখিবনা শরূক চাম্মা হেন্না ফৈ: ইবোবি
-
সোসিয়ল মেদিয়াগী চৈথেঙ মরক্তা অচূম্বা খন্দোকপদা অৱাবা কয়া মায়োক্নরি: হুংয়ো ৱার্সং