য়ুক্রেনগী হান্নগী মিলিটরি কম্মান্দর-ইন-চিফ, অদূগা হৌজিক্না য়ুনাইটেদ কিংদমদা লৈবাক অদুগী এনভোই ওইনা থৌ পুরিবা ভালেরি জেলুজনি না, রসিয়ানা য়ুক্রেনদা চত্থরক্লিবা অকনবা লান্দা মরক্তা ফোঙদোরকখিবা মতূং ইন্না, হৌজিক মালেমগী অহুমশুবা লাঞ্জাও হায়বদু হৌরবনি হায়না ফোঙদোকখ্রে। রসিয়ানা য়ুক্রেন্দা লান্দারক্লিবা অসীদা নোরথ কোরিয়াগী লান্মীশিংনা ফ্রন্ট লাইন্দা থোক্লক্তুনা মীচঙ চঙশীল্লক্লি। য়ুক্রেন লান্মীশিংগী মাঙমক্তদা লেপ্তুনা লৈরি।
য়ুক্রেন লান্মীশিংগা নোরথ কোরিয়াগী লান্মীশিংগা খূৎ থোক্নবগী থৌদোকশিং বোর্দরদা মায়োক্নরি। লাল অসীদা চাইনাগী অচৌবা অমসুং শক্তি লৈরবা খূৎলায় কয়া রসিয়ান লান্মীশিংনা শীজিন্নরক্তুনা থার্দ পার্টিশিংনা অচৌবা থৌদাং লৌদুনা মীচঙ চঙশীল্লক্লি। লাল অসী বোর্দর লান্না শন্দোরক্লি। ফীভম অসী য়ৌরকপদা য়ুক্রেনগী এল্লাইশিংনসু অচেৎপা ফিরেপকা লোয়ননা ৱারেপ অমা লৌবগী মতমদু চপ চানা য়ৌরবনি হায়না মহাক্না ফোঙদোকখি।
য়ুক্রেন্সকা প্রভদাগী য়ু পি ১০০ এৱার্দ য়েন্থোকখিবা থৌরমদা মহাক্না ৱাফম অসী ফোঙদোকখিবনি। রসিয়াগী ওটোক্রেটিক ওইবা মপাঙ লৈবাকশিংনা য়াম্না কা হেনবা মওংদা মীচঙ চঙশীল্লক্তুনা লাল অসীদা মরুওইবা এক্তরশিং ওইরকপা অসীনা মরম অমা ওইরগা হৌজিক লৈবাক অনীগী মরক্তা থোক্লিবা লাল অসী য়াম্না থূনা বোর্দর ৱাংমদা চৎখিদুনা গ্লোবেল ৱার অমগী শক্তম লৌরকপা য়ারি। মতম অদূদদি লাক্ন-ফানবা ঙমদ্রবা অকিবা ফংলবা মালেমগী লাঞ্জাও হায়বদু ওইরকপা শোয়দ্রে হায়খি।
You may also like
-
নেস্নেল হায়ৱে-৩৭ দা লম্বী চৎপা য়ারমদবদু শেংদোকখ্রে, গারিশিং চৎপা হৌখ্রে
-
থাঙ-তা মশান্না অসী ওলেম্পিক গেম্সতা য়াওহন্দুনা শান্নরোয়শিংদা কান্নবা পীবা য়াই: প্রেমকুমার
-
লৈঙাক অমা নীংথিনা চল্লাইনবা হোৎনবদা মেদিয়াগী অচৌবা থৌদাং লৈ: চরঞ্জিৎ
-
সেন্টরগী লুচিংবশিংদা নোঞ্জরগা লৈঙাকপগী মহূৎ শিজখিবনা শরূক চাম্মা হেন্না ফৈ: ইবোবি
-
সোসিয়ল মেদিয়াগী চৈথেঙ মরক্তা অচূম্বা খন্দোকপদা অৱাবা কয়া মায়োক্নরি: হুংয়ো ৱার্সং