হন্দক নন মনিপুরি অনী খূৎলায় পায়বা শকখঙদবশিংনা হাৎলম্বা, খূৎলায় পায়বা মশেল খূৎ থোক্নরকপগী থৌদোক কয়া অদু রাজনিটিগী থৌইনশিন অমনি। এজেন্সি খরনা ঈন্সীন্দুনা মীশী-মীনা য়াওবা থৌদোক কয়া থোকহন্দুনা ষ্টেট লৈঙাক অসী ঈন্থুনবা হোৎনরি হায়না চিফ মিনিষ্টর নোংথোম্বম বিরেন্না ফোঙদোকখ্রে। এজেন্সি খরনা খূৎলায় পায়বা কাঙবূ কয়ামরুম লিংখত্তুনা খুনাই অসিদা তঙদূ-লৈতাদবা, চরাঙনবা কয়া থোকহন্ননবা থৌরাংশিং পায়খৎলি অদুগা চৈরকশিদা মনিপুর পুলিসকি মখাদা লৈরিবা সাইবর ক্রাইম দিপার্টমেন্ট অসিসু ফেল ওইরে।
খ্বায়দগী খুদোং থীনিঙায় ওইরিবা অমসুং লাইবক থীবদি ইন্টলিজেন্স এজেন্সিনা পাউ পীরকখিদবসু থা ১৫ হেল্লক্লে হায়না চিফ মিনিষ্টর না ফোঙদোকখি। ৱাফম অসী মহাক্না ইম্ফালগী অহানবা মনিপুর রাইফলসকি বঙ্কিট হোলদা পাঙথোকখিবা বিজয় দিবস পালন থৌরমদা অথোয়বা মীথূংলেন ওইনা শরুক য়ারদুনা ৱা ঙাঙবদা ফোঙদোকখিবনি। রাজনিটিগী থৌইন্সিন কয়া চত্থদুনা ষ্টেট অসীদা মায়োক্নরগা লৈরিবা হীংশাগী ঈরাঙ মরকসিদা হেন্না চয়েৎ-চনৈনবা থোকহন্ননবা অতোপ্পা মীহাৎ-মীপুন য়াওবা ঈরাঙ শিং থোকহল্লগা ষ্টেট লৈঙাক অসী ইন্থুবা ঙম্ননবা হোৎনরক্লিবনি হায়খি।
থৌরম অদূদা মিনিষ্টরশিং গোবিন্দাস কোন্থৌজম, থোঙাম বিস্বজিৎ, হৈখাম দিঙ্গো, থৌনাউজম বসন্ত কুমার অমদি এম এল এ কয়াসু শরুক য়াখি।
You may also like
-
আমিট শাহানা পারলিয়ামেন্টকি ফ্লোরদা ফোঙদোকখিবা ৱাফম অমা হায়বসি ওফিসেল অদুম্মক ওইরবনি: ইবোমচা
-
কোকোমিগী লমজিং মখাদা খুল ঙাকপশিং ফাবা হাৎপা য়ারোই হায়দুনা পাক-সন্না খোঙজঙশিং চঙশীনখ্রে
-
অফবা লৈঙাক-সাসন হায়বসি ট্রান্সপরেন্সি অমসুং এক্কাউন্টেবিলিটি লৈনা মীয়ামগী য়াইফনবা থবক তৌরিবা লৈঙাক অদূবুনি: বিরেন
-
পারলিয়ামেন্ট মমাঙদা রূলিং-ওপ্পোজিসন অনীগী মরক্তা অমনা অমদা মরাল থঙজিন্নদুনা চাউনা মূক্নবগী থৌদোক চত্থখ্রে
-
ঈং- তপ্পা মনিপুর অমা ওইহন্ননবা হোৎনবদা নাগাশিংগী অচৌবা থৌদাং লৈ: চিফ মিনিষ্টর