মীয়াম্না ভোৎ তৌদুনা থাগৎলক্লবা মতূংদা এসেমব্লিগী নত্রগা পারলিয়ামেন্ট কি মেম্বর ওইরিবা, মিনিষ্টর ওইরিবা মীওইশিং অসী মীয়ামগী থবক-থৌরমশিং পাঙথোক্কে, মীয়ামগী অৱাবা, খুদোংচাদবশিং কোকহল্লগে হায়বগীদমক্নি। এম এল এ, মিনিষ্টর ওইরিবা মীওইশিং অসী ফমদুনা লৈননবা নত্তে, মশা-মশাগী ঈমূং- মনূংগী মীওইশিং, মরী-মতাশিংগী শেল পায়ননবা, ইনাক-কৈরাক খুন্ননবা লৈবা নত্তে। মীয়ামগী অৱাবা কোকহন্ননবা থবক- থৌরমশিং মীয়ামগী মীহূৎ ওইরিবশিংনা অহীঙ-নুংথিল খায়দনা থবক তৌফম থোকই হায়না মনিপুর লেজিসলেটিব এসেমব্লিগী স্পিকর থোকচোম সত্যব্রত্তনা ফোঙদোকখ্রে।
থা অসীগী ১৬ তা স্পিকর থোকচোমগী য়ূমদা অথৌবশিংগী লীক্লম থিবা লূপ না শীন্দুনা পাঙথোকপা, অনৌবা চহী ২০২৫ গী কেলেন্দর ফোঙদোকখিবা থৌরম অমদা শরুক য়ারদুনা মহাক্না ৱাফম অসী ফোঙদোকখিবনি। “লেংওন্দবগী পাৎ”, হায়না মিংথোনবা কেলেন্দর অদূ রিলিজ তৌখিবা থৌরমদুদা সত্যব্রত্ত না হায়, মনিপুরদা হৌজিক মায়োক্নরগা লৈরিবা হীংশাগী ঈরাং অসীগী সোল্যুসন অমা পুরক্ননবা হায়দুনা ষ্টেট অসীগী মীয়ামগী অনীংবা-অপাম্বগী মতূং ইন্না হন্দক ন্যু দিল্লিদা চত্তুনা য়ুনিয়ন হোম মিনিষ্টর অমিট শাহাগা উনরুই।
অতেনবা মতমগী মনূংদা হীংশাগী ঈরাং অসীগী সোল্যুসন অমা পুরক্ননবা হোৎনরি হায়বগী অচেৎপা থাজবা মিনিষ্টর অমিট শাহনা পীরকখ্রে হায়না স্পিকরনা ফোঙদোকখি।
You may also like
-
ইসিআই গী থৌওং য়ানিংদবা ফোঙদোক্তুনা কংগ্ৰেসনা প্রোটেষ্ট রেল্লি পাঙথোকখ্রে
-
এন আই এনা আইজোলদগী কুকি নহা অনী ফাগৎখ্রে
-
লুহোংবদা শেল চঙমনবনা ঐখোয়গী নহারোলশিং মতম চানা য়ূম পান্দবদগী মৈতৈগী মীশীং হন্থবা ওইরম্লে: নাউখম্বা
-
ওজা ১৪ দা মায়চৌ কোনোক থেঙ্গ্রা নীশীং মনা লান্থোকখ্রে
-
পি আর পি কৌবা রিজনেল পোলিটিকেল পার্টি অমা শাফোঙখ্রে