মহৌশা অমুক্তা থেংনখিদ্রিবা মওংদা অমসুং দেঙ্গী লায়না-লাইচৎ মশীং খ্বায়দগী য়ামখিবা কুমশিং ২০২৩ দগীসু হেঙ্গৎলক্তুনা চৎলিবা চহী অসীগী ওইনা ঙসীফাওবদা মনিপুরদা দেঙ্গী পোজিটিব কেস মশীং ৩০২৪ য়ৌখ্রে। হন্দক্কি অসীনা মমাঙগী চহীশিংগী রেকোর্দ পূম্নমক থুগাইখ্রে।
চহী অসী লোইশিল্লকপা মতমদদি লায়না অসীনা শোকহল্লবা মীওই মশীং ৫০০০ হেল্লবা য়াই হায়না পানরি। লাইবক ফবা অমা হায়রবদি লায়না অসীনা পাক-সন্না শোকহল্লবসু মতম খরগী মমাঙদা বিষ্ণুপুর দিষ্ট্রিক্ট তগী মীওই অমখক লায়না অসীনা শিহনখিবা অদূ নত্তনা কনাগুম্বা অতৈ মীওই অমত্তা শিখিবদি ঙসীফাওবদা মনিপুরদা থেংনদ্রি।হৌখিবা পূঙ ২৪ অসিদা মনিপুরগী ওইনা পূন্না মীওই ১২৮ দেঙ্গী পোজিটিব ওইরকপা থেংনখি। মসীগী মনূঙদা ইম্ফাল ৱেষ্ট দিষ্ট্রিক্ট তা পোজিটিব কেস ৮৫, ইম্ফাল ইষ্ট দিষ্ট্রিক্ট তা পোজিটিব কেস মশীং ২৭, বিষ্ণুপুর
দা ১,থৌবালদা ৪, ঊখ্রূল দিষ্ট্রিক্ট তা ৯, তমেংলোং অমসুং তেংনৌপলদা অমমমনি হায়রি।
ঙসীফাওবদা চহী অসীগী ওইনা ইম্ফাল ৱেষ্ট দিষ্ট্রিক্ট তা পোজিটিব কেস মশীং ২১২৩ শুরদুনা লায়না অসীনা খ্বায়দগী মশীং য়াম্না শোকহল্লবা দিষ্ট্রিক্ট অমা ওইনা লৈরি। ইম্ফাল ইষ্ট দিষ্ট্রিক্টকি ওইনা ৫৩৮, বিষ্ণুপুরদা পোজিটিব কেস মশীং ৮৭, থৌবাল দিষ্ট্রিক্ট তা ৭৩ শুখ্রে হায়না মনিপুর লৈঙাক্কি হেল্থ দিরেক্তরেট কি রিপোর্ট অমদা ফোঙদোরক্লি।
You may also like
-
মীতোপ খন্দোক্ট্রিফাওবা মীকোক থীবা য়ারোই:জে এফ দি
-
চিফ মিনিষ্টরনা ইম্ফাল রিভর রিজ্যুবনেসনগী থবক-থৌরম য়েংশিনখ্রে, লম্বী শেম্বগী থবক অথূবদা লোইশিন্ননবা খঙহনখ্রে
-
হোষ্টেল শাখিবগী পেন্দিংদা লৈহৌরিবা শেনফম লৈঙাক্না অথূবা মতমদা পীথোকপিয়ু: হোষ্টেল্লর মহৈরোয়শিং
-
চিফ মিনিষ্টারনা সাইনিক স্কুলগী অৱাৎ-অপা য়েংশিনখ্রে
-
গর্লস হোষ্টেল শঙ্গাখিবা চহী ১৫ হেল্লবা মতমসিফাওবা লৈঙাক্না বিল পীথোক্তবসি লাইবক থীবনি:এল তোম্বা