নেস্নেল সোসিয়েলিষ্ট কাউন্সিল ওফ নাগালিম এন এস সি এন- আই এমগী অতো কিলোন্সর থুইঙালেং মুইভা ঙসী ঊখ্রূলদা থুংলরগনি। মহাক হৌখিবা চহী ৫০ হেন্না মশাগী পোক্নফম লমদম ওইরিবা ঊখ্রূল দিষ্ট্রিক্ট কি সোমদাল খুঙ্গং থাদোক্তুনা নাগালেন্দগী হিব্রোন্দা লৈরকখিবনি।
হিব্রোনদা এন এস সি এন- আই এমগী হেদ ক্বার্টর ওইরিবনি। হৌখিবা চহী ৫৮ লোমগী মতমসিদা নাগাশিংগী তোখাইবা লৈঙাক অমা, তোখাইবা কন্সটিট্যুসন অমসুং তোঙানবা ফ্লেগ কা লোয়ননা পীগদবনি হায়বা দাবী তান্দুনা ইন্দিয়া লৈঙাক্তা তকশীন্দুনা লাকলিবনি। মুইভাগী দিমান্দ অসী ঙসীফাওবগী ওইনদি মায় পাকপা ঙমদ্রি।মহাক্কি ঊখ্রূল খোঙচৎ অসীগী এদভান্স টিম অমা ওইনা মহাক্কি লোয়নবী পকাহাও মুইভা য়াওবা সেক্যুরিটি গার্দকি কাঙবূ অমা ঙরাং কোহিমাদগী মাও ফাওরগা ঊখ্রূল দিষ্ট্রিক্ট হেদ ক্বার্টরদা থুংলখ্রে।
মখোয়না সেনাপটিদগী তোলোই-ঊখ্রূল লম্বীদা চত্রিঙৈ মমাঙদা আই এমগী ফ্লেগ পায়রবা নাগা মীয়াম্না হরাও-তরাম্না ওকখি। ঙসী নুমিৎয়ুংবা মতমদা অতো কিলোন্সর থুইঙালেং মুইভা হেলিকোপ্তর তোংলগা ঊখ্রূল দিষ্ট্রিক্ট হেদ ক্বার্টরদা থুংলরগনি লোয়ননা মফম অদুদা পাঙথোকপা মীয়ামগী মীফমদা ৱা ঙাঙগনি।নুংথিল পূঙ ৩.৩০ তাবদা মহাক মশাগী পোক্নফম সোমদালদা চৎখিগনি অদুগা নুমিদাংৱাইরম পূঙ ৪ তাবদা মফম অদুগী খুঞ্জাশিংনা মুইভাবু হরাও- তরাম্না ওকপগী থৌরম পাঙথোক্কনি হায়রি।
You may also like
-
ইসিআই গী থৌওং য়ানিংদবা ফোঙদোক্তুনা কংগ্ৰেসনা প্রোটেষ্ট রেল্লি পাঙথোকখ্রে
-
এন আই এনা আইজোলদগী কুকি নহা অনী ফাগৎখ্রে
-
লুহোংবদা শেল চঙমনবনা ঐখোয়গী নহারোলশিং মতম চানা য়ূম পান্দবদগী মৈতৈগী মীশীং হন্থবা ওইরম্লে: নাউখম্বা
-
ওজা ১৪ দা মায়চৌ কোনোক থেঙ্গ্রা নীশীং মনা লান্থোকখ্রে
-
পি আর পি কৌবা রিজনেল পোলিটিকেল পার্টি অমা শাফোঙখ্রে