মনিপুর য়ুনিভর্সিটিগী হৌজিক লৈরিবা ভাইস চাঞ্চেল্লর এন লোকেন্দ্র হায়রিবা মীওই অসীনা মহাক্কি লোয়নবা খূৎচাবী খরগা পূল্লগা য়ুনিভর্সিটি অসী পূম্মাঙ মাঙহনগদৌরে,শেঞ্জা -থুমজা,হাবী -জাবীগী থৌওং কয়া চত্থদুনা লৈরিবা অসীগী মতাঙদা লৈঙাক্না অকনবা মীৎয়েঙ চঙদূনা মহাকপু খূদক্তা মফম লৌথোক্কদবনি হায়বা অকনবা দিমান্দ তৌরদুনা কংলৈপাক ষ্টূদেন্টস এসোসিয়েসন (কে এস এ) গী মশীঙ য়াম্লবা মহৈরোয়শিংনা ঙরাং মনিপুরগী গভর্নর অজয় কুমার ভাল্লাগী বাংলোদা থোমজীল্লকখ্রে।
মশীঙ য়াম্লবা মহৈরোয়শিং অদূবু কন্ট্রোল তৌননবা হোৎনখিবা মনিপুর পুলিস অমদি মহৈরোয়শিংগী মরক্তা চাউনা মূক্নরকখ্রে।কে এস এগী প্রেসিদেন্ট সুখাম বিদ্যানন্দনা পাউমীশিংদা ফোঙদোরকখিবা মতূঙ ইন্না, মনিপুর য়ুনিভর্সিটি অসীগী টিচিং অমদি নোন -টিচিং ষ্টাফশিং লৌবদা হৌজিক লৈরিবা ভি সি লোকেন্দ্রনা করপসনগী থবক -থৌওং কয়া চত্থদুনা লৈরি।মহাক্কি খোঙবূ খরগা লৌতুনরগা য়ুনিভর্সিটি অসীগী লৈজরিবা ষ্টেট্যুট ক্লোজ ১৯ অসী এমেন্দ তৌবতা নত্তনা য়ুনিভর্সিটি অসীগী লৈজরিবা ওর্দিনান্স কয়াসু থুগাইরগা অরানবা থৌওং কয়া চত্থরি।মরম অদূনা ইন্দিপেন্দেন্ট এনক্বারি অমা লৈঙাক্না শেমদুনা মহাক্কি মথক্তা ইনক্বারি অমসুং ইনভেষ্টিগেসন চত্থগদবনি হায়না দিমান্দ তৌখি।
চৈরকশিদা ভি সি অসী মফম লৌথোক্কদবনি।মদূ নত্রবদি অচূম্বা ফাইন্দিং পুথোকপা ঙম্লোই হায়খি।মহাকপু খূদক্তা লৌথোক্ট্রবদি কে এস এনা হেন্না অকনবা খোঙজঙ চঙশীল্লগনি হায়নসু বিদ্যানন্দনা মখা তাখি।
You may also like
-
কোহসেমগী ইগজাম হৌবা নুমিত্তা মহৈরোয়শিংনা মখোয়গী অন্সর স্ক্রিপশিং মৈ থাদোকখ্রে
-
কীষন,তোকেন,রাজেন লৈখিদবগী ১৭ লক শুবা নীংশীং থৌরম পাঙথোকখ্রে
-
ষ্টার্টঅপ ইকো সীস্তেমদা মনিপুরনা অৱাং নোংপোক লমদমদা মাঙজীল থানা চৎলি: চিফ মিনিষ্টর
-
মীতোপ খন্দোক্ট্রিফাওবা মীকোক থীবা য়ারোই:জে এফ দি
-
চিফ মিনিষ্টরনা ইম্ফাল রিভর রিজ্যুবনেসনগী থবক-থৌরম য়েংশিনখ্রে, লম্বী শেম্বগী থবক অথূবদা লোইশিন্ননবা খঙহনখ্রে