হৌজিক মালেমসিদা লাক্লিবা অহোংবা কয়াগী মরক্তা শেন্মিৎলোন্দা অহোংবা কয়া লাক্লিবা ফীভম অসীদা ইন্দিয়া অমসুং রসিয়াগুম্বগী ইকোনোমিশিং অসিনা করি অহোংবা পুরকপা ঙমজগদৌরিনো হায়না য়ু এস প্রসিদেন্ট দোনাল্ড ট্রম্পনা করেম্নখ্রে। রসিয়া অমসুং ইন্দিয়াগী ইকোনোমিশিং অসীদি অশীবা ইকোনোমিনি, শীঙথানিঙায় করিমত্তা লৈতে হায়খি।
নাকল অমরোমদা চৎলিবা কুমশিং ২০২৫ অসীদা থাদোরকখিবা দেটা অমগী মতূঙ ইন্নদি ইন্দিয়ানা চাদা ২৫ গী টারিফ লাউথোকখিবগা লোয়ননা মালেমগী ওইনা খ্বাইদগী মাঙজীল থারিবা ইকোনোমীশিংগী মনূঙদা ইন্দিয়ানা মকোক-মথঙগী রেঙ্কিংদা মরীশুবা মফম কন্দুনা, জাপানদগীসু হেঙ্গৎনা, মাঙজীল থানা লৈরি হায়বা ঊৎলি। য়ু এসকি গ্ৰোস দোমেষ্টিক প্রদক্ট (জি দি পি) অসী ট্রিল্লিয়ন দোল্লর ৩০.৫০ ওইদুনা মালেমগী অহানবা মফম কল্লি। চাইনাগী জি দি পিনা ট্রিল্লিয়ন দোল্লর ১৯.২৩ ওইদুনা মালেমগী অনীশুবদা লৈরি।
জর্মনিনা ট্রিল্লিয়ন দোল্লর ৪.৭৮ তা লৈদুনা অহুমশুবদা অদুগা ইন্দিয়াগী জিদিপি অসীনা ট্রিল্লিয়ন দোল্লর ৪.১৯ ওইদুনা মালেমগী ওইনা মরীশুবদা লৈরি হায়না দেটা অসীনা ফোঙদোকখি। অদূম ওইনমক লাক্কদৌরিবা কুমশিং ২০৩০ ফাওবগী মনূঙদা ইন্দিয়াগী জিদিপি অসী ট্রিল্লিয়ন দোল্লর ৭.৩ দা লৈদুনা মালেমগী ওইনা অহুমশুবদা লৈহনবা ঙম্লগনি হায়না দেটা অসীনা ফোঙদোকখি।