মনিপুরগী আসামগা ঙমখৈ তাইনবদা লৈরিবা জিরিবাম দিষ্ট্রিক্ট কি অমত্তা ঙায়রবা অমসুং দিষ্ট্রিক্ট অসীগী ওইনা খ্বায়দগী মরূ ওইরিবা জিরিবাম দিষ্ট্রিক্ট হোস্পিটাল অসীদা ঙাইহাক লৈতনা সেন্ট্রেল সেক্যুরিটি ফোর্সশিংনা লৈঙাক্কি অয়াবসু অমত্তা লৌদনা হেক-হেক চঙশীন্দুনা মখোয়গী বেরেক শেমদুনা লৈশিনবগী থৌদোকশিং থোক্লি। মখোয়গী মওং কয়া অসীনা পেসেন্ট অমসুং সেবারিশিংদা পূক্নীং নুঙাইহন্দবনচিংবা কয়া মায়োক্নহল্লে হায়রি।
মমাঙদসু সি আর পি এফ কম্পেনি অমা চঙশীল্লক্তুনা মতম কুইনা লৈরম্লগা চৎখিবা কুইখিদ্রিবনি।মখোয়দূ মীচম মীয়াম ঙাক-শেন্ননবগীদমক্নি হায়রবসু হোস্পিটালগুম্বা মফমদদি লৈহনফম থোক্তবনি হায়না মীয়াম্না ফোঙদোরক্লি। হৌজিক নৌনা অমুক অতোপ্পা কম্পেনি অমা লাক্লগা হোস্পিটাল অসীগী মথক থংবা ফ্লোরশিংদা লৈশিনখিবগা লোয়ননা অনাবা মীওইশিংনা শীজিন্নরিবা ঈশীংগী টেঙ্কিশিং সিফাইশিং অসীনা শীজিন্নথোকখিবদগী ঈশীংগী অৱাৎপা কয়া মায়োক্নহল্লি হায়রি।
হোস্পিটাল অসীগী মেদিকেল সুপরিন্টেন্দেন্ট ওইরিবা মোহম্মদ য়ুনুস আলিনা হন্দক নৌনা থোকখিবা নোটিস অমদা পল্লিবদি অনাবগী মীওই নত্তবা থার্দ পার্টি অমনা হোস্পিটিল অসীদা অনাবা উননবগীদমক চঙগে হায়রবদি মাঙজৌননা পূঙ ৪৮ গী মমাঙদা অইবা চেরোলগা লোয়ননা হোস্পিটাল অথোরিটিদগী অয়াবা লৌহৌগদবনি হায়রি।
You may also like
-
ঈরোল-ঈয়েক চাওখৎনবা হোৎনরম্লিবা লাইওইখ্রবা অহলশিংবু খক কাউরোইদবনি: সিবদট্ট লুৱাং
-
ৱাক্ফ বোর্দকি মেম্বর খনবদা নোন-মুস্লিম হাপচীল্লকপগী মায়োক্তা রেল্লি চৎখ্রে
-
এন আর সিগী দিমান্দ শোয়দনা মায় পাক্কনি হায়বগী থাজবা লৈ: চিফ মিনিষ্টর
-
ট্রকশিং মতম চানা ইম্ফালদা য়ৌরকখ্রে
-
মীয়াম্না তাল্লিবা এন আর সীগী দিমান্দ ফংলগনি হায়বগী অচেৎপা থাজবা লৈরে: এক্স চিফ মিনিষ্টর