রিপব্লিকান পার্টি ওফ ইন্দিয়া-অথৱালে (আর পি আই-অথৱালে) গী নেস্নেল সেক্রেটরি ওইনা থৌ পুরিবা মাহেশ্বর থৌনাউজম্না থা অসীগী ২৮ দা ন্যু দিল্লিদা য়ুনিয়ন মিনিষ্টর ওফ পারলিয়ামেন্টরি এফ্যের্স কিরেন রিজিজু অমসুং য়ুনিয়ন মিনিষ্টর ওফ ষ্টেট ফোর সোসিয়েল জষ্টিস এন্দ এম্পৱারমেন্ট রামদাস অথৱালেগা উনদুনা হৌজিক মনিপুরদা মায়োক্নরিবা, কুকি-জো নার্কো টেরোরিষ্টশিংনা থোকহল্লিবা হীংশা অসীগী মতাংদা পাউদমখ্রে। কুকি মিলিটেন্টশিংনা অঙাঙ অহুম, নূপী অহুম কিদনেপ তৌখ্রবা মতূংদা তমথীনা হাত্তোক্লগা তুরেলদা থাধরকখিবা, সি আর পি এফতা লান্দারকখিবা অমসুং লৌ শূদূনা লৈবা মীচম নূপীশিং য়াওনা মীওই কয়াদা নোংমৈ, বোম কাপশীন্দুনা হাৎখিবগী মতাংদসু মরীক চূম্না পাউদমখি।
সি আর পি এফতা এত্তেক তৌরুবদগী খূৎ হল্লকপদা শিখিবা কুকি মিলিটেন্ট ১০ অদূ মার্টিয়রশিংনি হায়না এম এল এ ওইনা লৈরিবা এল এম খৌতেনা সেল্যুট কৎখিবগীদমক মহাকপু দিসক্বালিফাই তৌহনবিয়ু হায়না মাহেশ্বরনা তকশীনখি। কুকি মিলিটেন্ট শিংনা তমথীনা হাত্তোক্লগা থম্লম্বা মীওই তরুককি থৌদোক অদু লম্মন খুম্বা মীহাৎনি হায়না সাইকোৎ কেন্দ্রগী এম এল এ পাউলিয়েনলালনা ফোঙদোকখিবা মরম্না মহাকপুসু দিসক্বালিফাই তৌহনবিয়ু হায়না তকশীনখি।
কুকি-জো কাঙলূপকি এম এল এ ১০ না, মনিপুরবু মচেৎ তানা থুগাইনবা হোৎনদুনা নেস্নেল য়ুনিটি অমসুং ইন্টিগ্ৰিটিদা শীঙনরক্লিবা ইল্লিগেল ইম্মিগরেন্ট কুকি-জো মিলিটেন্টশিংবু ফোংনা শৌগৎপগীদমক মখোয়বুসু দিসক্বালিফাই তৌহনবিয়ু হায়না মাহেশ্বরনা তকশীনখি।
You may also like
-
য়ূম শাবিগনি হায়জীন্দুনা য়াম্লবা শেনফমশিং খোমগৎখ্রগা লোৎখিবগী মায়োক্তা মীয়াম হৌরকখ্রে
-
মীওই অনী লৈখিদবগী কেস এন আই এদা শিন্নখিবদু লৌথোকপিননবা সি এমদা তকশীনখ্রে
-
এ টি য়ুনিট ১৮ না জূলোজিকেল গার্দেন্দা শওম মচা অনী খূৎশীন্নখ্রে
-
মনিপুর য়ুনিভর্সিটিগী ১৫ শুবা কনভোকেসন পাঙথোকখ্রে
-
উকোক প্রাইমারি স্কুলগী ফীভম য়াম্না শোকচীল্লম্বা থেংনখ্রে