মপান্দগী আইন কায়না চঙশীল্লকপা কুকি-চিন নার্কো টেরোরিষ্টশিংনা মনিপুর, ইন্দিয়া থুগাইনবা লান্দারক্তুনা মীয়ামবু বোম, নোংমৈ, দ্রোন, রোকেট কয়া শীজিন্নদুনা পাক্তক্ননা হাৎপা হৌরক্লবা মতাংসি য়ৌরফাওবদা ইন্দিয়াগী প্রাইম মিনিষ্টর নরেন্দ্র মোদি অমসুং হোম মিনিষ্টর আমিট সাহানা ঙসীফাওবা ৱাফম অমত্তা ফোঙদোক্তনা তূমিন্না লৈশিল্লিবসি করি হায়রিবনো, মখোয়গী পূক্নিংদা লৈরিবা ফোঙদোক্তবা অরোনবা মোটিব অসী করিনো হায়না সিব সেনা মনিপুর য়ুনিটকি প্রসিদেন্ট দা. মোইরাংথেম তোম্বিনা অকনবা ৱাফম ফোঙদোকখ্রে।
ঙরাং ইম্ফাল গী বাবুপারাদা লৈবা সিব সেনা মনিপুর য়ুনিটকি ওফিসতা পাঙথোকখিবা পাউগী মীফম অমদা মহাক্না ৱাফম অসী ফোঙদোকখিবনি। দা. তোম্বিনা হায়, ফোরেন মিলিসেন্টশিংনা ঐখোয়গী নূপী-অঙাঙ, অহল খাক্তনা হাৎলক্লবা মতমসিদা মীয়ামগী পুন্সি অমসুং লন- থুম ঙাক্ননবা থৱায় খূবাক্তা হাপ্তুনা, তূম্বা মচেৎ, চাবা-মচেৎ লেন্দুনা লৈরিবা ভিল্লেজ ভল্লন্টিয়রশিং অসীবু মরাল লৈরবা মীওইশিং ওইনা ইন্দিয়া লৈঙাক্না উবগুম তৌরি।মসী অরোনবা পোলিটিকেল এজেন্দা অমা শোয়দনমক ওইগনি হায়খী।
অদগা নাকল অমরোমদনা, ইন্দিয়ানশিং মীৎনা কূপ্পা মীকুপ অমদা লোইশিল্লগা মনিপুর অমসুং ইন্দিয়াগী শক্তম মাঙহন্ননবা হোৎনরক্লিবা খূৎলায় পায়বা কুকিশিংবু ইন্দিয়ান মিলিটরিনা ইজ্জৎ শোকহন্দনবা ঙসীফাওবা মীচঙ চঙদুনা লৈরে হায়খী।
You may also like
-
নেস্নেল হায়ৱে-৩৭ দা লম্বী চৎপা য়ারমদবদু শেংদোকখ্রে, গারিশিং চৎপা হৌখ্রে
-
থাঙ-তা মশান্না অসী ওলেম্পিক গেম্সতা য়াওহন্দুনা শান্নরোয়শিংদা কান্নবা পীবা য়াই: প্রেমকুমার
-
লৈঙাক অমা নীংথিনা চল্লাইনবা হোৎনবদা মেদিয়াগী অচৌবা থৌদাং লৈ: চরঞ্জিৎ
-
সেন্টরগী লুচিংবশিংদা নোঞ্জরগা লৈঙাকপগী মহূৎ শিজখিবনা শরূক চাম্মা হেন্না ফৈ: ইবোবি
-
সোসিয়ল মেদিয়াগী চৈথেঙ মরক্তা অচূম্বা খন্দোকপদা অৱাবা কয়া মায়োক্নরি: হুংয়ো ৱার্সং