লম্বী হায়না মিংথোনবা জর্নেলগী ৩৬ শুবা ভোল্যুম ফোঙখ্রে

মনিপুর য়ুনিভর্সিটিগী মনিপুরী দিপার্টমেন্ট না শীন্দুনা দিপার্টমেন্ট অসীগী সেমিনার হোলদা বাইএন্যুয়েল মল্টি দিসসিপ্লিন্নরি নেস্নেল প্রি-রিভ্যু বাইলিঙ্গুয়েল রিছার্স জর্নেল অমা ওইরিবা “লম্বী” গী ৩৬ শুবা ভোল্যুম চৎলিবা থা অসীগী ২৬ তা য়ুনিভর্সিটি অসীগী ভাইস চাঞ্ছেল্লর প্রোফেসর এন লোকেন্দ্রনা ফোঙখ্রে।
নেস্নেল ইদুকেসন পোলিসি (এন ই পি) ২০২০ চৎনবা হৌখিবগা লোয়ননা মহৈরোয়শিংগী মমালোন্দা য়ারিবমখৈ লাইরিকশিং তাকপী-তম্বিনবগী ৱাফম লাকখিবগা লোয়ননা ঐখোয়গী হৌগৎলক্লিবা মহৈরোয়শিংগীদমক সবজেক্ট খূদীঙমক মনিপুরী লোল অমসুং ময়েক্তা ইথোক্তুনা থম্বগী তঙায়ফদবা মতমদু লাক্লে হায়না থৌরমদুদা এম য়ুগী ভি সি অসিনা ফোঙদোকখি।
য়ু জি সিনসু খঙহল্লকপগী মতূঙ ইন্না অন্দরগ্ৰেজুয়েৎ অমসুং পোষ্ট গ্ৰেজুয়েৎকি তোঙান-তোঙানবা সবজেক্ট শিংসু ইমালোন মনিপুরিদা ট্রান্সলেট তৌবগী থবক কন্না চত্থরগা লৈরি। মনিপুরি লোল অসী নিপানশুবা সেদ্যুল্ডদা চল্লবা লোল ওইবগা লোয়ননা সাহিত্য একাদেমিনসু শকখঙলবা লোল অসীগী অইবা কয়াদসু এৱার্দ পীদুনা ঈকায়খুম্নরিবনি হায়খি।
মনিপুর য়ুনিভর্সিটিগী মনিপুরি দিপার্টমেন্ট না ঐখোয়গী মনিপুরি লোল চাওখৎনবা হোৎনরিবা কয়া অসি শীঙথানিঙায়নি অমসুং থাগৎনিঙায়নি হায়না মহাক্না মখা তানা ফোঙদোকখি। থৌরমদুদা এম য়ু মনিপুরি দিপার্টমেন্টকি ঐচ ও দি প্রোফেসর এল বির্জিটা দেবি, স্কুল ওফ হ্যুমেনিটিজগী দিন প্রোফেসর এন প্রমোদিনি দেবি, আই ক্যু এ সিগী দিরেক্তর প্রোফেসর এ রাজমনিনচিংবা কয়ানা ৱাফম কয়া ফোঙদোক্তুনা শরূক য়াখি।