সিবকুমার মেমোরিয়েল ম্যুজিক কোল্লেজ ককচীঙনা শীন্দুনা নোংমগী ওইবা হীন্দুষ্টানি ক্লিসিকেল ম্যুজিক কন্সর্ট অমা কোল্লেজ অসীদা পাঙথোকখ্রে।
থৌরম অদূদা ম্যুজিক কোল্লেজ অসীগী প্রিন্সিপাল এস ঐচ নবকুমারনা হায়, মনিপুরদা হীন্দুষ্টানি ক্লিসিকেল ম্যুজিকতা নিপুণ ফাওবা তমথবা য়ারবা অমত্তা ঙায়রবা কোল্লেজ অমা পনবা তারবদি সিবকুমার মেমোরিয়েল ম্যুজিক কোল্লেজ অসীখক্তনি। কোল্লেজ অসী লিংখৎলকপা কুইদ্রিবা অমা ওইজরবসু মহৈরোয় মশীঙ য়াম্না মহৈ তমদুনা চাং নাইনা ক্লাস চত্থবা ঙম্লে হায়না মহাক্না ফোঙদোকখি।
ম্যুজিক কোল্লেজ অসীগী মহৈরোয়শিংনা হীন্দূষ্টানি ক্লাসিকেল ম্যুজিক কি ঈশৈ শক্তুনা অমসুং ম্যুজিকেল ইন্সট্রুমেন্ট কয়া খোংদুনা পাঙথোকখিবা ম্যুজিকেল কন্সর্টকি থৌরম অদুদা থবক্তগী পোত্থারবা ওজা ৱাই ধনঞ্জোই , সাহিত্য সেবা সম্মিটি ককচীঙগী প্রসিদেন্ট সু ওইরম্বা অসীনা অথোয়বা মীথূঙলেন, সিবকুমার মেমোরিয়েল ম্যুজিক কোল্লেজগী প্রসিদেন্ট এস ঐচ বোয় না থৌরম মপূ অমসুং লিবর্টি থিয়েটর ককচীঙগী প্রসিদেন্ট ৱাই সৈত্য না অখন্নবা মীথূঙ ওইনা শরূক য়াখি।
