লৈবাক অসীদা মপান্দগী টুরিষ্ট ওইনা, মহৈরোয় ওইনা, বিজিনেস নত্রগা ইদুকেসনগা মরী লৈনবা হীরমদা চঙলকপশিংদি তরাম্না ওকলি। নাকল অমরোমদা, লৈবাক অসীগী সেক্যুরিটি অমসুং ইন্টিগ্ৰিটিদা অকায়বা, অপনবা থোকহন্ননবা লাকপশিংদি য়েংদুনা, খাঙদুনা তূমিন্না লৈথোক্লোই, অচৌবা পারা তম্বিগনি হায়না য়ুনিয়ন হোম মিনিষ্টর অমিট সহানা ফোঙদোকখ্রে।
চৎলিবা থা অসীগী ২৭ তা ইম্মিগ্ৰেন্ট শিং অমসুং ফোরেন্নর্স বিল, ২০২৫ পুথোক্তুনা পাস তৌনবগীদমক খন্নরকপদা হোম মিনিষ্টরনা ৱাফম অসী ফোঙদোকখিবনি। বিল অদূ কূপ্না খন্ন- নৈনরবা মতূঙদা লোক সভানা পাস তৌখি।
ইন্দিয়া অসী সেল্টর হোম নত্তে, মীথূঙশঙ ওইনা কনামত্তনা য়েংলোইদবনি। লৈবাক অসীগী নেস্নেল সেক্যুরিটি অমসুং য়ুনিটিদা শীংনরকপা মীওই অমত্তা মপান লৈবাকশিংদগী চঙশীল্লকপা য়ারোই, মদূ লৈবাক অসীদা চঙশীল্লকপা কৈদৌনূঙদা য়াবা ঙম্লোই। পাস তৌরবা লেজিসলেসন অদূনা লৈবাক অসীগী সেক্যুরিটিগী মপাঙ্গল হেন্না কনশীলহন্দুনা চেৎশীলহল্লগনি। মসিগীসু মথক্তা ইকোনোমি, বিজিনেসকি ফীভম হেন্না ফগৎহল্লগনি হায়না সহানা ফোঙদোকখি।
হেল্থ অমসুং ইদূকেসন সেক্তরশিংদসু চাউনা অহোংবা পুরক্তুনা চাওখৎহল্লগনি হায়খি। ইম্মিগ্ৰেসন বিল অসিনা মপান লৈবাকশিংদগী ইন্দিয়াদা চঙশীল্লকপা মীওইশিংগী অকূপ্পা ৱারোল পূম্নমক খূদক-খূদক্তা খঙবা ঙমহল্লগনি হায়নসু সহানা মখা তাখি।
You may also like
-
এম পি এ লিংখৎখিবগী ৩৯ শুবা কুম্মোন-থৌরম মায়পাক্না পাঙথোকখ্রে
-
মীয়াম্না লম্বী থিংবগী অকনবা খোঙজং চঙশীনখ্রে
-
ক্বালিটি মেন্টেইন তৌদবা প্রোজেক্ট নত্রগা কন্সট্রক্সন ৱার্ক অমত্তদা বিল পীদনবা সি এম্না মরী লৈনবা অথোরিটিদা খঙহনখ্রে
-
থাঙ্গাল কৈথেল শেমগৎপগী থবক অথূবদা লোইশিন্ননবা চিফ মিনিষ্টরনা মরী লৈনবশিংদা খঙহনখ্রে
-
পাঙ্গৈদা ক্লিনলিনেস দ্রাইব পাঙথোক্তুনা খ্বাইদগী লূ-নানবা খুঙ্গং ওইহন্ননবা থবক পায়খৎখ্রে