ইন্দিয়া অমসুং বংলাদেশ লৈবাক অনীগী মরক্তা হন্দক পামদবা থৌদোকশিং কা হেন্না থোকপগা লোয়ননা মহৌশাদগী নুংশি চান্ননা, অচেৎপা মরী লৈনরক্লিবা কয়াদু হৌখিবা চহী অমরোমগী মতমসিদা খঙহৌদনা মচেৎ মচেৎ নীঙখায়রকপগী মমি অমা উবা ফংলক্লিবসি য়াম্না লাইবক থীবনি। ফিভম অসীদগী লান্থোক্তুনা মহৌশাদগী নুংশি চান্ননা লৈরক্লিবা বাইলেটরেল রিলেসন অদু হঞ্জিলহন্ননবা পূন্না হোৎনমিন্নসি হায়না প্রাইম মিনিষ্টর নরেন্দ্র মোদিনা বংলাদেশকি চিফ এদভাইজর মোহম্মদ য়ুনুসতা চেরোল অমা ইদুনা পাউমেনবা ৱাফম হৌদোকখ্রে।
বংলাদেশ লৈবাক অসীগী ইন্টরিম গভর্নমেন্ট না শীন্দুনা পাঙথোকখিবা ইন্দিপেন্দেন্স দে থৌরমগা মরী লৈননা পি এম মোদিগী সজেসন অসী লাকখিবনি। বংলাদেশ লৈবাক অসীগী নীঙখা-তম্বা নূমীৎপু নীঙশীঙবা নুমিৎ লাকপদা ইন্দিয়ানা থম্মোয় শেংনা পুৱারিগী লৈরকখিবা নুংশিনবগী, অৱা- অনা কয়াদা শরুক য়ামিন্নরকখিবগী থৌদোক কয়াদু নীঙশীঙদুনা ঈকায়খুম্নবা ঊৎলি হায়না পি এম মোদিনা ফোঙদোকখি।
বংলাদেশ লৈবাক অসীগী নীঙখা তম্নবগী লান মতমদা নুংশিরবা মরুপ-মপাং অমা ওইনা হকথেঙননা মতেঙ পাংখিবা, ইন্দিয়ান লান্মী কয়ামরুম থৱায় কৎখিবদু কাউঙমদনা লৈরি। মসী অশেংবা মরুপ অমগীদমক মরুপ অমনা থম্মোয় শেংনা কত্থোকপগী থৌওং অদূমক্নি হায়না মোদিনা ফোঙদোকখি।
You may also like
-
নেস্নেল হায়ৱে-৩৭ দা লম্বী চৎপা য়ারমদবদু শেংদোকখ্রে, গারিশিং চৎপা হৌখ্রে
-
থাঙ-তা মশান্না অসী ওলেম্পিক গেম্সতা য়াওহন্দুনা শান্নরোয়শিংদা কান্নবা পীবা য়াই: প্রেমকুমার
-
লৈঙাক অমা নীংথিনা চল্লাইনবা হোৎনবদা মেদিয়াগী অচৌবা থৌদাং লৈ: চরঞ্জিৎ
-
সেন্টরগী লুচিংবশিংদা নোঞ্জরগা লৈঙাকপগী মহূৎ শিজখিবনা শরূক চাম্মা হেন্না ফৈ: ইবোবি
-
সোসিয়ল মেদিয়াগী চৈথেঙ মরক্তা অচূম্বা খন্দোকপদা অৱাবা কয়া মায়োক্নরি: হুংয়ো ৱার্সং