মনিপুরদা হৌজিক চহী খরগী মতমসিদা নৌনা হৌগৎলক্লিবা নূপীমচাশিংদগী হৌরগা মৌ নহাশিং অমদি মীয়ায় চল্লবা নূপীশিংগী মরক্তা য়ু থকপগী চাং অসূক্কি মতীক য়ামখৎলক্লি। ওইরক্লিবা ফীভম অসী অকিবগী মশক ওইরক্লে, মরম অদূনা ঐখোয়গী ঈমা-ঈবেলশিংগী মৈরা পায়বী ঈহৌ মখাতানা হেন্না কন্সীনবা মথৌ তারক্লে হায়না কোলিসন এগেন্স দ্রগস এন্দ আলকোহোল (কাদা) না ফোঙদোকখ্রে।
ঙরাং ইম্ফাল ইষ্ট দিষ্ট্রিক্টকি মনূঙচন্না লৈরিবা পেলেস গেট মনাক্তা লৈবা লময়ানবা শঙলেন্দা পাঙথোকখিবা কাদাগী ১৯ শুবা মপোক কুম্মোন থৌরমদা ৱাফম অসী লূপ অসীগী সেক্রেটরি জেনরেল টি গিতচন্দ্রনা ফোঙদোকখিবনি।
ষ্টেট লৈঙাক অসীগী পোপ্যুলর মিনিষ্ট্রি অমা লৈরিঙৈ মতমদুদা মনিপুরদা য়ু লিগেলাইজ তৌরগনি হায়দুনা লৈঙাক্না ৱারেপ লৌখ্রবসু ঙসীফাওবা থবক্তা ওন্থোকপসু লৈতে।
বোর্দর পরীংদা মীতোপ চঙশীল্লক্তনবা ঙাক-শেল্লিবনি হায়রবসু মপান্দগী দ্রগশিং পুশিল্লকপগী চাংদি হন্থরকপা লৈত্রি। পোপ্যুলর লৈঙাক নত্রবসু মনিপুরদা লৈঙাক অমদি লৈরি। মরম অদূনা ঈশীং ঈচাওগুম মশীং হেঙ্গৎলক্লিবা দ্রগ চাবা, লল্লোনবশিং অমসুং য়ু য়োনবা-থকপা ময়ামসি থিংননবা অকনবা আইনগী ওইবা থবক পায়খৎপিয়ু হায়না মহাক্না ফোঙদোকখি।কাদানা মতম কয়াগী মমাঙদগী চঙশীল্লক্লিবা দ্রগ থিংবগী খোঙজঙ অসীদা ষ্টেট লৈঙাক্কি মায়কৈদগী সপ্পোর্ট তৌবগী চাংসু য়াম্না নেম্মি হায়না গিটচন্দ্রনা মখাতানা ফোঙদোকখি।
You may also like
-
কোহসেমগী ইগজাম হৌবা নুমিত্তা মহৈরোয়শিংনা মখোয়গী অন্সর স্ক্রিপশিং মৈ থাদোকখ্রে
-
কীষন,তোকেন,রাজেন লৈখিদবগী ১৭ লক শুবা নীংশীং থৌরম পাঙথোকখ্রে
-
ষ্টার্টঅপ ইকো সীস্তেমদা মনিপুরনা অৱাং নোংপোক লমদমদা মাঙজীল থানা চৎলি: চিফ মিনিষ্টর
-
মীতোপ খন্দোক্ট্রিফাওবা মীকোক থীবা য়ারোই:জে এফ দি
-
চিফ মিনিষ্টরনা ইম্ফাল রিভর রিজ্যুবনেসনগী থবক-থৌরম য়েংশিনখ্রে, লম্বী শেম্বগী থবক অথূবদা লোইশিন্ননবা খঙহনখ্রে