হৌখিবা মে ১৩ দা নাগা মীচম কয়ামরুম কুকিশিংনা, লৈমখোং আর্মী কেম্প মনাক্তা লৈবা লৈলোন ৱাইফৈ কুকি ভিল্লেজ মপাদগী ফাজিন্দুনা থমখ্রবা মতূঙ মীওই খরা থাদোরকখ্রবসু ঙসী ফাওবা মফম মরাঙ খঙহন্দনা, নাগা মীচম তরুক ফাজিল্লিবা অদূ কন্দিসন অমত্তা য়াওদনা,খূদক্তা থাদোরক্কদবনি হায়বা দাবী তান্দুনা লিয়াংমৈ নাগা ফূরূপকি ইমা-ইবেল, ঈচল-ঈচে কয়ানা পেন্দবগা লোয়ননা রেল্লি চৎখ্রে।
কৌব্রু রেঞ্জ লিয়াংমৈ ৱিমেন্স য়ুনিয়ন্না শীন্দুনা রেল্লি অদু পাঙথোকখিবনি। মখান ভিল্লেজদগী নমদাইলোং ভিল্লেজ গেট ফাওবা চৎখিবা রেল্লি অদুদা মশীঙ য়াম্লবা মীয়াম্না শরুক য়াখি। লৈমখোং আর্মীগী নাতোন শূমাঙদগী কুকিশিংনা নাগা কাঙলূপকী মীচমশিং ফাজীনখিবদা কূহ্মৈগুম য়েংদুনা লৈখিবা আর্মী পার্সনেলশিংগী মথক্তা খোঙজঙলোয়শিং অদূনা পেন্দবা ফোঙদোকখি।
নাগা মীচম ৬ ঙসীফাওবা কুকি মিলিটেন্টশিংনা ফাজীনখিবা অসীগী মতাঙদা ঙসীসু নাগা তাবা মনিপুরগী মফম পূম্নমক্তা পাক-সন্না ৱাকৎ মীফমশিং চত্থনরি।নাগা ৱিমেন য়ুনিয়ন্না মপূঙ ওইবা থৌদাং লৌদুনা ৱাকৎ-মীফমশিং অসী চত্থরিবনি।
You may also like
-
মীওই অহুম দেঙ্গী পোজিটিব ওইরে
-
মীরৈবাক্তগী লান্দারক্লফাও লৈঙাক্না য়েংদুনা লৈরি, আই আর বি নত্রগা মনিপুর রাইফলগী বট্টালিয়নশিং ঙমখৈ পরীংদা থম্মু: সি এস ওশিং
-
লূপ-৫ গী থৌমীশিংনা শীন্দুনা মীয়ামগী ৱাকৎ-মীফম পাঙথোকখ্রে
-
পন্দূনা লৈরকখিবা গারি ২৯৩ সেক্যুরিটিনা এস্কোর্ট তৌদুনা ইম্ফাল য়ৌরকখ্রে
-
চাউনা মায় পাক্লকখ্রবা পি ই এস কি মহৈরোয়শিং তরাম্না ওকখ্রে, মনা লান্থোকখ্রে