ইম্ফাল ৱেষ্ট দিষ্ট্রিক্ট কি এমপ্লোইমেন্ট এক্সচেঞ্জ ওফিসতগী ফাওরগা লাঙ্গোল গেম ভিল্লেজ অমদি শীজা হোস্পিটাল য়ৌখিবা লম্বী অসী মায়কৈ অসোমগী মীয়ামগী নোংমগী তঙায়ফদনা চঙবা চানা থক্নবা পোৎলমশিং পুথোক-পুশিন তৌরিবা অমদি মহৈরোয় কয়ানা চৎথোক-চৎশিন তৌরিবা লাইফ-লাইন অমনি।মতম কয়াগী মমাঙদগী লম্বী অসীগী ফীভম ফত্তনা, শেম্বীদনা লৈরক্লিবসি লৈঙাক্না য়েংশিনবিদুনা শেম্বীননবা তকশীন্দুনা লাক্লবসু ঙসীফাওবা থৌশাদনা লৈথোক্লিবা কয়া অসীগী মায়োক্তা মায়কৈ অসীগী মীয়াম্না য়াম্না কন্না য়ানিংদবা ফোঙদোক্তুনা লম্বী অসী ঙসী অয়ূক পূঙ ৬ তাবদগী হৌরগা মতম কক্তনা অথীংবা থমখ্রে।
মীয়ামগী চত্থোক-চৎশিন তৌবা অমত্তা য়াখিদ্রে।লম্বী অসী মতম শাংনা য়েংশিনবিদনা লৈরকখিবনা নোংজু থাদা, কোমকুৎশিংদা ঈশীঙ তূঙবা, লৈখোম লৈনাঙ থোকপা, অদুগা নিংথমথা মতমদনা উফূল কা হেন্না থোকপনা মীয়াম মরক্তা য়াম্না তোয়না এক্সিদেন্ট থোকপদা নত্তনা অনা-অয়েক য়াওরকপগী খুদোংচাদবা ফীভমশিং মায়োক্নদুনা লাক্লিবনি।
কি-ষ্টোন অমদি ভেন্সর কম্পেনিশিংগী অচৌবা, য়াম্না কা হেন্না লূম্বা গারীশিং লম্বী অসিদা ঙাইহাক লৈতনা চত্থোক-চৎশীন তৌবা মরম্না হৌজিক লম্বী অসীগী ফীভম কা হেন্না শোকচীল্লে হায়না লাঙ্গোল অপূনবা মৈরা পায়বী লূপ অমসুং মায়কৈ অসীগী সি এস ওশিং না ফোঙদোরক্লি।ঙসীদগী থিংজিনখ্রবা লম্বী অসী লৈঙাক্না শেমজীন্দ্রিফাওবা কমপ্রোমাইজ তৌবগী ৱাফম লৈরোই অদূগা অনা-অয়েক, লাইনিং লাইশোলগা মরী লৈনবা ওইরবসু কোমথোকপা লৈরোই, অতোপ্পা লম্বীশিংদা ওইনা চৎপীয়ু হায়রক্লি।
You may also like
-
ঐখোয় লাইরিক নীঙথীনা তমসি কেম্পেইনগী থৌরম পাঙথোকখ্রে
-
আর কে হেমাবটিদা লাইফটাইম এচিবমেন্ট এৱার্দ পীরগনি
-
ফেব্রুয়ারি ১০ দগী ইম্ফালদা নন-ষ্টোপ স্পাইসজেট ফ্লাইট সার্বিস লৈরগনি
-
মোন্ট্রা ইলেক্ট্রিক না ইন্দিয়াদা পি এম ই-দ্রাইব সর্টিফাইদ ইলেক্ট্রিক ট্রক পুথোকপদা অহানবা ওইরে
-
মনিপুরদা পোপ্যুলর গভর্নমেন্ট অমা অথূবদা লাক্লগনি: কারাম শ্যাম