মতম শাংনা শেমজীনবীরক্তবদগী কা হেন্না ফীভম শোকচীল্লবা ৱাংখৈ অয়াঙপল্লি কোংবা রোদ অসী পি আর লৈঙাক লাক্ট্রিঙৈ মতমদগী হৌনা লম্বী অসীগী নাক -য়েত্তা খুন্দারিবা মীয়াম্না লৈঙাক্কি মফমদা শেম্বীননবা তকশীন্দুনা লাক্লিবনি।মনিপুরগী গভর্নরদসু কয়ারক হন্না লম্বী অসী শেমজীনবীয়ু হায়দুনা তকশীনখ্রবসু ঙসীফাওবা থৌশাদনা লৈরিবা অসীগী মায়োক্তা পেন্নদ্রবা মীয়াম্না থা অসীগী ২২ দগী হৌনা কোংবা রোদ থিংজিনবগী খোঙজঙ চঙশীনখ্রে।
লৈঙাক্না লম্বী অসী শেম্বা হৌরগনি হায়বগী থাজবা অমা পীদ্রিফাওবা লম্বী থিংবগী খোঙজঙ হন্দোকখিরোই হায়রি।লম্বী পরীং অসীগী মীটৈ ময়েক হায় স্কুল মপাদা মীয়াম অমদি ঈমা মৈরা পায়বীশিং থোক্লক্তুনা লম্বীদা ফমজীন্দুনা গারীশিং চৎহনখিদে।লাইশ্রম লৈকায় ক্রোসিং,য়োংলান ক্রোসিং নচিংবা মফমশিংদসু মীয়াম্না লম্বী ময়ায়দা উ – ৱা কয়ামরুম ফৈজিন্দুনা থমখি।
নাকল অমরোমদা,ময়ায় লম্বীগী হাওবম মরক্তগী লংথাবাল ফাওবদা লৈরিবা মীয়ামসু লম্বীদা থোক্লক্তুনা ফীভম ফত্রবা ময়ায় লম্বী শেম্বিদবগী মায়োক্তা পেন্দবা ফোঙদোক্তুনা লম্বী থিংজিনখ্রে।লৈঙাক্কি থৌশাদবা থৌওংশিংবু মীয়াম অদুনা কন্না য়ানিংদবা ফোঙদোক্নখি।
You may also like
-
লম্বী-থোং শেম্বা লোইশিনবিরো, পোং লম্বীদা এম্বুলেন্স চৎপা য়াবা থোং শাবিয়ু: তোম্বা
-
মর্জর এগ্ৰিমেন্ট গী মায়োক্তা কৌখিবা টুটেল সটদাওন্না মহৌশাগী পুন্সিদা চাউনা অকায়বা পীখ্রে
-
বোম পোকখায়বা য়ানিংদবা ফোঙদোক্তুনা প্রোটেষ্ট তৌখ্রে, লূপ্নসু শেংদোরক্লি
-
এটি গী থৌমী ১৫০ হেনবনা ঈ দান তৌখ্রে
-
নাগাশিংনা ফাগৎপিয়ু হায়না খূৎ থিন্দুনা লাকখিবা পুলিস কন্সটেবলগী মথক্তা ইনক্বারি চত্থবা হৌখ্রে, সস্পেন্দ তৌখ্রে