মথঙ চহীগী অঙনবা শরূক্তা পাঙথোক্কনি হায়না পানরিবা এসেমব্লিগী মীখল অসিদা খাঙবোক কেন্দ্রদা মীরেপ অমা ওইননবা থৌরাং তৌরিবা দা. রোমেনকুমার খূন্দ্রাকপম্না কনাগুম্বা সিভিল সোসাইটি ওর্গানাইজেসন অমত্তদা য়াওররোই অদুগা কনাগুম্বা লূপ অমত্তগী কন্দিসন মখাদা থবক তৌরোই হায়না মহাক্কি কম্মিটিনা শেংদোরকখিবগা লোয়ননা মীয়ামগা খূৎশম্নরগা ইলেক্সনগা মরী লৈননা থবক তৌবা হৌখ্রে।
টিম দা.রোমেনকুমার (টি দি আর) গী পেরেন্স কম্মিটি, ৱিমেন কম্মিটি অমদি য়ূথ কম্মিটিনা শীন্দুনা রোমেনকুমারগী মীরেপ ওইবগা মরী লৈননা খাঙবোক্তা লৈবা এম এম আর সি য়ুনিটি পার্কতা পাঙথোকখিবা মীফমদা টি দি আরগী থৌমীশিং শরুক য়াখি।
থৌরমদুদা রোমেনকুমারনা হায়, মতম কুইরবগী মমাঙদগী মহাক্না খাঙবোক কেন্দ্র অসীগী মীয়ামগীদমক থবক তৌদুনা লাক্লি। মীয়াম্না য়াম্না কন্না তকশীল্লকপদগী খাঙবা ঙম্লক্তবা অমদি খাঙবোক কেন্দ্র অসীদা অৱাৎপা, অহোবা কয়া লৈরিবসি তূমিন্না য়েংদুনা লৈবা ঙম্লক্তবদগী মহাক মীরেপ ওইনবগী ফিরেপ লৌরকখিবনি হায়খি।
You may also like
-
আই দি পিশিং য়ূমদা হঞ্জিন্দ্রিফাওবা সঙাই ফেষ্টিভেল পাঙথোকপা য়াখিরোই: আই দি পি
-
নোংমৈ কাপশীল্লম্বগী মায়োক্তা মীয়াম্না প্রোটেষ্ট তৌখ্রে
-
মনিপুর সেন্ত্রেল জেলগী অহানবা রাইজিং দে থৌরম পাঙথোকখ্রে
-
এম এল এ সুসিন্দ্রোনা ঈচেমহল স্কিমগী মতূঙদা তামোহল স্কিম লোঞ্চ তৌখ্রে
-
লৈঙাক মতীক চাদবদগী ৱাথোক ময়ামসে লাক্লিবনি: য়ুনিয়ন