বিরমঙ্গোল কোল্লেজ শওম্বুংদা লেকচরর ওইনা লৈবা ওজা শগোলসেম শ্যামগী শওম্বুং থোঙ্খোংদা লৈবা য়ূমগী থোঙ্গালদা শকখঙদবশিংনা হৌখিবা সেপ্তেম্বর ১৯ গী নুমিদাং পূং ৭ লোম তারকপদা নোংমৈ কাপশীন্দুনা অকী-অখঙ নংহল্লম্বা থৌদোক অমগী মায়োক্তা মীয়াম্না ঙরাং ৱাকৎ মীফম পাঙথোক্তুনা পেন্দবা অমদি য়াম্না কন্না য়ানিংদবা ফোংদোকখ্রে।
মৈরা পায়বী শওম্বুং থোঙ্খোংনা শীন্দুনা থোঙ্খোং কৈথেলশঙদা ৱাকৎ মীফম অদূ চত্থখিবনি। মীফমদুদা শরুক য়াখিবা মৈরা লূপ অদূগী সেক্রেটরি ৱাহেংবম খম্বিতোন্না হায়, মীচম ওজা অমগী য়ূমগী গেট্টা নোংমৈ কাপশীন্দুনা ঈমূঙ-মনূং অমদি কৈরোয়-লৈকায়গী মীচমশিংদা অকী-তুজুংবা পোকহনখিবা থৌদোক অসী অকনবা মওংদা কন্দেম তৌই। অসীগুম্বা পাঙদবা অমদি চাওখত্তবগী থৌওং অসী মতূঙদা খক চত্থবিগনু। পেন্দবা কয়া লৈরবসু ঈংনা-চীক্না ফম্মিন্নদুনা ৱারোয়শিন পুরক্নবা হোৎনবিয়ু হায়খি।
মহাক্না মখাতানা হায়, ফূরুপ অমত্তগী ঈ মশেল হাত্তোক্নবগী থৌওং অসী লেপ্পিরো। মীতোপ্না চহী অহুম হেন্না মৈতৈ ফূরূপকি মথক্তা লান্দারক্তুনা মমল য়াম্লবা মৈতৈগী নহা-অহল, নূপী-অঙাঙ কয়া হাৎলক্লি। চৈরকশিদা ঐখোয় মশেল ওন্সীন্দুনা খৎনবা, হাত্তোক্নদুনা লৈরবদি ঈরমদম কনানা ঙাকপিগনি। অসূম্না তৌরবদি ঈরমদম অসী মীতোপ্না পানখ্রগনি হায়না ফোঙদোকখি। ঐখোয় শান্তি পাম্মি, য়ূম্লক্তা নোংমৈ কাপশীন্দুনা মীয়ামদা অকী-তুজুংবা ফাওহনবা য়ানিংদে, ইস্যু খূদীংমক ৱারী শান্নরগা লোইশিনবিয়ু হায়না থাবা প্লেকার্দশিং ৱাকৎলোয়শিং অদুনা শীজীন্নখি।
You may also like
-
মনিপুরগী মিরাবাই চনূ, রোশিবিনা অনীমক্না এসিয়ান গেম্স তা সিলভর লৌবা ঙমখ্রে
-
লাক্কদৌরিবা মীখলগীদমক কনাগুম্বা লূপ অমত্তগী দিক্টেসন্দা থবক তৌরোই: কম্মিটি
-
আই দি পিশিং য়ূমদা হঞ্জিন্দ্রিফাওবা সঙাই ফেষ্টিভেল পাঙথোকপা য়াখিরোই: আই দি পি
-
মনিপুর সেন্ত্রেল জেলগী অহানবা রাইজিং দে থৌরম পাঙথোকখ্রে
-
এম এল এ সুসিন্দ্রোনা ঈচেমহল স্কিমগী মতূঙদা তামোহল স্কিম লোঞ্চ তৌখ্রে