কুকিশিংনা টাঙ্খুল নাগা কাঙলূপকি ৱিঙ্গর দ্রাইভর অমসুং পেসেঞ্জরশিং ফূরকখ্রে, নাগাশিং মৈ হৌনা শাউনরে

চৎলিবা থা অসীগী ২৬ তা নেস্নেল হায়ৱে নম্বর ২০২, ইম্ফাল- ঊখ্রূল লম্বীদা পেসেঞ্জরশিং পুদুনা লাকখিবা ৱিঙ্গর অমা লম্বী পরীং অসীগী মোঙ্কোৎ চেপু ভিল্লেজ মপা য়ৌরকপদা মশীঙ য়াম্লবা কুকি কাঙলূপকি নূপা-নূপী কয়ামরুম লম্বীদা থোক্লক্তুনা গারি অদুবু খামদুনা লেপহল্লবা মতূঙদা ৱিঙ্গর অদূগী দ্রাইভর অমসুং মদূদা তোংলকখিবা পেসেঞ্জর টাঙ্খুলশিংদা তমথীনা থ্রীটন তৌরকখিবগা লোয়ননা ফূধরকখ্রে। থৌওং অদূবু ঊখ্রূল দিষ্ট্রিক্ট তা লৈরিবা অমসুং তম্পাক লমদা লৈরিবা টাঙ্খুল নাগা কাঙলূপকি লূপ কয়ানা পূন্না সাইন তৌদুনা থাদোরকপা প্রেস ষ্টেটমেন্ট অমদা অকনবা মওংদা কন্দেম তৌরকখ্রে।

মরাল লৈজদবা টাঙ্খুল নাগা কাঙলূপকি মীচম পেসেঞ্জরশিং অদূদা মোঙ্কোৎ চেপু ভিল্লেজগী চিফ না য়ু ঙাওরগা লুচিংবা কুকি মীয়াম্না ফূরকখিবা অদুদা চেন্নরিবা মীফত্তশিং অদূ পূঙ ২৪ গী মনূঙদা মরী লৈনবা খূদীঙমক্না পুথোক্কদবনি, মদূ নত্রবদি মথঙগী নুমিত্তগী ইম্ফাল- ঊখ্রূল লম্বীদা কুকি কাঙলূপকি মীওই অমত্তা চৎপা য়াহল্লোই অদুগা ঊখ্রূল দিষ্ট্রিক্ট তা কুকি কাঙলূপকি মীওই অমত্তা চঙহল্লরোই হায়না নাগা লূপশিংনা ফোঙদোরক্লি। কত্থো কত্তম্নাউ লোংগী প্রসিদেন্ট মাশুংমি জীঙ্খাই, লূপ অসীগী জেনরেল সেক্রেটরি ৱুংমায়ুং সায়াই, টাঙ্খুল নাগা ভেল্লি ষ্টুডেন্টস এসোসিয়েসনগী প্রসিদেন্ট মাথিংসো জাজো, সেক্রেটরি ৱোরঙাচান মুইভানা অকনবা মওংদা কন্দেম তৌরকখ্রে।

থৌদোক অদূদা টাঙ্খুল নাগা কাঙলূপকি নূপী পেসেঞ্জর অমা অরুবা ফীভমদা শোক্তুনা লায়কন্নখি। হৌখিবা কুমশিং ২০২৩ দগী মনিপুরদা কুকিশিংনা হীঙশাগী ঈরাং চত্থরক্তুনা ঙসীফাওবা লমদমসিদা শান্তি থুগাইদুনা অমসুং লৈমিন্নরিবা কাঙলূপশিংগী মরক্তা নুংশিনদনবা থৌশিল কয়ামরুম চত্থদুনা লাক্লি হায়না জোইন্ট প্রেস ষ্টেটমেন্ট অসীদা মখা তারক্লি।