ঙসীফাওবা চহী অমগা মখায় ফাজীল্লক্লবা, কুকি- মিলিটেন্টশিংনা অকনবা মওংদা মীতৈ ফূরূপকি মথক্তা চত্থরক্লিবা হীংশাগী ঈরাং অসী লোইশিন্ননবগী পান্দমদা য়ুনিয়ন মিনিষ্ট্রি ওফ হোম এফিয়র্সনা মৈতৈ, কুকি অমসুং নাগাগী এম এল এ শিংগী ওইবা মীফম অমা পাঙথোক্তুনা খন্ননবা ন্যু দিল্লিদা কৌরকখ্রে। মদুদা শরুক য়ারুনবগীদমক নাগা অমসুং মৈতৈগী এম এল এ খরা দিল্লিদা পাইশিনখ্রে। য়ুনিয়ন হোম মিনিষ্টর অমিৎ শাহাগী মীৎয়েং মখাদা মিনিষ্ট্রি ওফ হোম এফিয়র্স কি ওফিসতা মীফম পাঙথোক্ননবা কৌরকখিবনি।
থা অসীগী ১৩ দা মনিপুর লেজিসলেটিব এসেমব্লিগী স্পিকর থোকচোম সত্যব্রত্তা অমসুং থাঙ্গা এ সিগী এম এল এ ন্যু দিল্লিগীদমক ইম্ফাল থাদোকখি। মসীগী মতূংদা থা অসীগী ১৪ দনা মনিপুর লৈঙাক্কি মিনিষ্টর থোঙাম বিশ্বজিৎ, এম এল এ খোংবান্তাবম ইবোমচা সিংহ, মিনিষ্টর দা. সাপম রঞ্জন, মিনিষ্টর খেমচান্দ নচিংবা ন্যু দিল্লিদা চঙশীনখিবনি। নাগাগী ওইনসু মিনিষ্টর অৱাংবৌ ন্যুমাই অমসুং এল দিখোসু দিল্লিদা থা অসীগী ১৪ দা পাইশিনখিবনি।
য়ুনিয়ন হোম মীনিষ্টর অমিট শাহানা মীফম অমা ন্যু দিল্লিদা পাঙথোক্তুনা হৌজিক লৈরিবা হীংশাগী ঈরাং অসীগী মতাংদা খন্ননবা খঙহল্লকপদগী চিফ মিনিষ্টর নোংথোম্বম বিরেন্না অথূবা মীফম অমা কৌরকপদগী রুল্লিংগী এম এল এ অমসুং মিনিষ্টর শিং উনদুনা কূপ্না খন্ন- নৈনখিবনি। কুকিগী ওইনা মিনিষ্টর লেটপাও হাওকিপ, এম এল এ পাউলেনলাল হাওকিপ অমসুং হাওখোলেট কিপজেন শরুক য়াগনি হায়বগী থাজবা লৈ হায়রি।
You may also like
-
পুলিস ফোর্স তা অহোংবা লৈহন্দুনা অৱাং নোংপোক্তা লৈরিবা লালহৌবগী ঈরাং লোইশিন্ননবা হোৎনরগনি: অমিট শাহা
-
এ দি আর কমপ্লেক্সতা সুপ্রিম কোর্ট কি জজ এন কোটিশ্বরগা ইন্টরেক্সন পাঙথোকখ্রে, লিগেল এৱেরনেস প্রোগ্রাম অমসু চত্থখ্রে
-
পাল্লিবা লৈঙাক অসীনা কন্সটিট্যুসনগী প্রোবিজনশিং ইফোং ফোংনা খোঙ্গাওনরি: ইবোবি
-
প্রাইভেট স্কুলগী প্রিন্সিপাল অমা খদ্রক তৌরম্বগীদমক দেসামগী থৌমীশিংনা ফারগা পুলিসতা শিন্নখ্রে
-
আমিট শাহানা পারলিয়ামেন্টকি ফ্লোরদা ফোঙদোকখিবা ৱাফম অমা হায়বসি ওফিসেল অদুম্মক ওইরবনি: ইবোমচা