কুদো ইন্টরনেস্নেল ফেদরেসন ওফ ইন্দিয়ানা শীন্দুনা চৎলিবা থা অসীগী ১৬ তগী ২১ ফাওবা পুনেদা লৈরিবা নেটাজি সুভাস চন্দ্র মিলিটরি কোলেজ কেম্পসতা পাঙথোকখিবা অহুমশুবা কুদো নেস্নেল চেম্পিয়ন্সিপ কপ ২০২৫-২৬ তা শরুক য়ারুবা শান্নরোয়শিং অমসুং ওফিসিয়েলশিংবু তরাম্না ওকখ্রে।
মখোয়বু কুদো এসোসিয়েসন ওফ মনিপুর (কাম) গী মেম্বরশিং অমসুং ঈমূঙ-মনূঙগী মীওইশিংনা ইম্ফালগী বির টিকেন্দ্রজিট ইন্টর্নেস্নেল এয়রপোর্ট তা তরাম্না ওকখিবনি। হন্দক্কি চেম্পিয়ন্সিপ অদুদা মনিপুরগী শান্নরোয়শিংনা সিলভর মেদল অহুম অমসুং ব্রোঞ্জ মেদল অনী লৌবা ঙম্লকখি।
সিলভর লৌরকখ্রবা শান্ন রোয়শিং অদুদি থোঙাম অভিনয়- কে জি ৫৪,মোইরাংথেম দিনাজিৎ- কেজি ৫৮+ অমসুং চিরোম সিন্থোই চনূ-কেজি ৫৩ নি। ব্রোঞ্জ মেদল ফংলকখ্রবশিংদি নোংমাইথেম এন্থোনি অমসুং কৈষাম কেমেরুন নি। মখোয়গী কেজি না মথঙশীৎনা ৪২+ অমসুং ৩৩ নি।