ফারমর্স ক্লব সুনুসিফাই, বিষ্ণুপুর দিষ্ট্রিক্ট না চৎলিবা মে থা অসীগী ২৬ তগী হৌনা ঈরূহৈ কূমহৈ হায়বদি ৱাটরমেলন ফেষ্টিবেল পাঙথোক্তুনা ঙসি ঙসিমক সুনুসিফাই মার্কেট কমপ্লেক্সে তা চত্থরি। ফেষ্টিবেল অসী নুমীৎ মঙানি পাঙথোক্কদবনি। হয়েং মে কূন্থরা দা লোইশিনবগী থৌরম পাঙথোক্লগনি। হৌখিবা কুমশিং ১৯৯৬ তগী সুনুসিফাইগী থৱায় য়াওবা লৌমী ৭০ না পূন্সিন্দুনা সুনুসিফাই ফারমর্স ক্লব লিংখৎখিবগা লোয়ননা ঈরূহৈ পাক-সন্না থাবগী থবক চত্থবা হৌরকখিবদগী মথঙ- মথঙ মায় পাক্লক্তুনা অনৌবা লৌমী কয়াসু হীরমশিদা ট্রেনিং পীরকপদগী ঙসীদি পোত্থোকসু য়াম্না মরাং কায়না পুথোকপা ঙম্লে।
লৌমীশিং অসীদা লৈঙাক্না মপূঙফানা মতেং পাংবিদুনা চহী খূদীঙগী পাঙথোক্লিবা ঈরূহৈ কূমহৈ অসী ফারমর্স ক্লব অসীখক্তনা মরোমদোম পাঙথোক্লিবা অসীগী মহুত্তা লৈঙাক্না মীৎয়েং চঙবীদুনা সপ্পোর্ট পীবীরগা ষ্টেট থাক্কি ফেষ্টিভেল অমা ওইনা পাঙথোক্নীঙবগী অপাম্বা অদূসু ফারমর্স ক্লব অসীগী প্রসিদেন্ট ওইনা লৈরিবা লাইশ্রম শ্যামকুমারনা ফোঙদোকখি।
ঙরাং ফেষ্টিবেল অসীগী হুম্নি চনবা নুমিত্তা মফম অদুদা পাঙথোকখিবা এৱের্নেস প্রোগ্রামদা মহাক্না ৱাফম অসী ফোঙদোকখিবনি। সুনুসিফাই ফারমর্স ক্লবনা অসীগুম্বা চহীগী ওইবা ফেষ্টিবেল অসী মমাঙগী চহীশিংদা অহুম্লক থংন-থংননা পাঙথোক্তুনা লাকখি। মরক্তা চহী খরা পাঙথোকপা ঙমদনা অমুক লৈরুরবা মতূঙদা চহী অসিদা হন্দক পাঙথোক্লিবা অসীনা ঈরূহৈ কুমহৈ অসীগী মরিশুবা ইদিসন্নি হায়রি।
You may also like
-
ইসিআই গী থৌওং য়ানিংদবা ফোঙদোক্তুনা কংগ্ৰেসনা প্রোটেষ্ট রেল্লি পাঙথোকখ্রে
-
এন আই এনা আইজোলদগী কুকি নহা অনী ফাগৎখ্রে
-
লুহোংবদা শেল চঙমনবনা ঐখোয়গী নহারোলশিং মতম চানা য়ূম পান্দবদগী মৈতৈগী মীশীং হন্থবা ওইরম্লে: নাউখম্বা
-
ওজা ১৪ দা মায়চৌ কোনোক থেঙ্গ্রা নীশীং মনা লান্থোকখ্রে
-
পি আর পি কৌবা রিজনেল পোলিটিকেল পার্টি অমা শাফোঙখ্রে