কোকোমি ষ্টুডেন্টস ৱিংনা গভরনরগী য়াওনা টোপ ওফিসিয়েলশিংগী ইফিজিশিং মৈ থাখ্রে

গ্বালতাবিদা হৌখিবা মে ২০ দা মরিশুবা মহার রেজিমেন্টকি টিম অমনা মনিপুর হায়না থাবা বস চেনবা য়ারোই হায়না অথীংবা থম্লকখিবা থৌওং অদুবু য়ানীঙদবা ফোঙদোক্তুনা কোর্দিনেটিং কম্মিটি ওন মনিপুর ইন্টিগ্ৰিটি (কোকোমি) না চঙশীল্লকখিবা খোঙজঙ নোংমা-নোংমগী কন্সীল্লক্লি।

মসীগী শরুক অমা ওইনা ঙরাংসু ইম্ফাল ইষ্ট দিষ্ট্রিক্টকি কোংবদা কোকোমি ষ্টুডেন্টস ৱিং অমসুং মৈরা পায়বী ঈমাশিংনা অকনবা খোঙজঙ চঙশিনখিবগা লোয়ননা গভর্নর অজয় কুমার ভাল্লাগী ইফিজি শারগা মৈ থাখ্রে। মনিপুরগী সেক্যুরিটি এদভাইজর, চিফ সেক্রেটরি অমসুং দি জি পিগী ইফিজি শিংসু শাদুনা মৈ থাখি। চৎলিবা থা অসীগী ২৭ তসু মশীঙ য়াম্লবা কোকোমিগী মহৈরোয়শিংনা লম্ফেলদা লৈবা লৈঙাক্কি ওফিস অনী থোঙ লোন্সিন্দুনা অকনবা প্রোটেষ্ট তৌখিবনি। মদূগী মতূঙ ঈকান কান্নদনা নুমিৎ অদুমক্তদা ইম্ফালগী ক্বাককৈথেলদা লৈরিবা দেমোক্রেটিক ষ্টুডেন্টস এল্লাইন্স ওফ মনিপুর (দেসাম) গী ময়ায় লোয়শঙসু সেক্যুরিটি ফোর্স না থোঙ লোন্সিনখিবনি।

সেক্যুরিটি ফোর্সকি থৌওং অদূ কোকোমিগী ষ্টুডেন্টস ৱিং অমসুং মৈরা পায়বীশিংনা কন্না পেন্দবা ফোঙদোকখি। মতীক চাদ্রবা গভর্নর খূদক্তা লৌথোক্কদবনি, চিফ সেক্রেটরি, সেক্যুরিটি এদভাইজর অমসুং দি জি পি মশা-মশানা খঙনা খূদক্তা রিজাইন তৌগদবনি হায়বা খোল্লাউ কয়াসু খোঙজঙলোয়শিংনা লাউখি।সেক্যুরিটি ফোর্সকি থৌওং অদূ কোকোমিগী ষ্টুডেন্টস ৱিং অমসুং মৈরা পায়বীশিংনা কন্না পেন্দবা ফোঙদোকখি। মতীক চাদ্রবা গভর্নর খূদক্তা লৌথোক্কদবনি, চিফ সেক্রেটরি, সেক্যুরিটি এদভাইজর অমসুং দি জি পি মশা-মশানা খঙনা খূদক্তা রিজাইন তৌগদবনি হায়বা খোল্লাউ কয়াসু খোঙজঙলোয়শিংনা লাউখি।