মনিপুর লৈঙাক্কি জেনরেল এদমিনিষ্ট্রেটিব দিপার্টমেন্টনা চল্লাইরিবা কোলকত্তা মনিপুর ভবন্দা ফংলিবা লঞ্চ, দিন্নরগী অচা- অথকশিংগী মমল অসী কা হেন্না ৱাংমনখিবনা মনিপরদগী মফম অদুদা চত্তুনা লৈবা মতমদা অয়ূক অমসুং নুমিদাংগী চাক্লেন চাননবা হোৎনরুবদা মমল কা হেন্না ৱাংমনখিবনা লায়রবা, শেন্থোক নেম্বা মীওইশিংদদি য়াম্না খুদোংচাদবা, অৱাবা কয়ামরুম মায়োক্নরে হায়রি।
মীয়াম্না ফোঙদোক্নরকপগী মতূঙ ইন্না, কোলকত্তাগী ২৬,রোলেন্দ রোদতা লৈরিবা মনিপুর ভবন অসী মতম শাংনা ফঙ্কসন তৌদনা লৈরকপদগী হন্দক লৈঙাক্না অমুকহন্না চল্লাইবা হৌরকখিবনি। অদূম ওইনমক ভবন অসীদা লৈরিবা কেন্টিন অসীদি লৈপূঙ কেফে – এ য়ুনিট ওফ এন ই ব্রদর্স কৌবা অমনা চল্লাইদুনা লৈরি। কেন্টিন অসীদা, ভেজিটেবল থালী অমদা লূপা ১৬০, ঙা অচম্বা থালী অমদা লূপা ২০০, চীকন থালী অমদা লূপা ২২০, শরেং থালী অমদা লূপা ২৫০ অদুগা এলিশা থালী অমদা লূপা ৪০০ লৌরি।
ব্রেকফাষ্ট কি আইতেমশিংসু অতৈদগী হেন্না মমল ৱাংনা য়োল্লি। পুরি-সবজি অমদা লূপা ৪০, ওটস এন্দ মিল্ক অমদা লূপা ৫০, শঙ্গোম গ্লাস অমদা লূপা ৩০, চা গ্লাস অমদা লূপা ২০, ক্রোন ফ্লেক্স অমদা লূপা ৫০ অসীনচিংবনি। ষ্টেট লৈঙাক্না অথূবদা মীৎয়েং চঙবীদুনা লায়রবা মীয়ামগী য়েংবিদুনা পুবা-থাংবা ঙমগদবা মমল অমা লেপথোকপিয়ু হায়নরক্লি।
You may also like
-
য়ূম শাবিগনি হায়জীন্দুনা য়াম্লবা শেনফমশিং খোমগৎখ্রগা লোৎখিবগী মায়োক্তা মীয়াম হৌরকখ্রে
-
মীওই অনী লৈখিদবগী কেস এন আই এদা শিন্নখিবদু লৌথোকপিননবা সি এমদা তকশীনখ্রে
-
এ টি য়ুনিট ১৮ না জূলোজিকেল গার্দেন্দা শওম মচা অনী খূৎশীন্নখ্রে
-
মনিপুর য়ুনিভর্সিটিগী ১৫ শুবা কনভোকেসন পাঙথোকখ্রে
-
উকোক প্রাইমারি স্কুলগী ফীভম য়াম্না শোকচীল্লম্বা থেংনখ্রে