সেক্যুরিটি ফোর্সনা থা অসীগী ১৯ দা কংলৈপাক কম্যুনিষ্ট পার্টি ( কে সি পি) সিটি মৈতৈগী এক্তিব কাদরনি হায়বা মীওই অমা য়াওনা পূন্না নহা অহুম য়াম্লবা খূৎশু-খূৎলায়শিংগা কোন্ননা ফাগৎপা ঙমখ্রে। কে সি পি সিটি মৈতৈগী এক্তিব কাদরনি হায়বা মীওই অদুগী মমীংনা খুমুকচম ইবোমচা এলাইজ থাবূঙতোন (৪৭) নি। মহাক বিষ্ণুপুর দিষ্ট্রিক্ট কি মনূঙচন্না লৈরিবা ইরেংবম ময়ায় লৈকায়দগীনি হায়রি।
অতোপ্পা মীওই অনীদুদি য়ুম্নাম প্রেমকুমার (৪২) লৈফম্না চুরাচান্দপুর দিষ্ট্রিক্টকি থিংকাংফাই ভিল্লেজদগীনি অদুগা হৌজিক হৌজিক্না বিষ্ণুপুর দিষ্ট্রিক্ট কি মনুঙচন্না লৈরিবা ইরেংবম অৱাং লৈকায়দা লৈবনি হায়রি। অতোপ্পা মীওই অদুগী মমীংনা য়ূম্নাম আনন্দ কুমার (৩৬) নি। মহাকসু চুরাচান্দপুর দিষ্ট্রিক্ট কি থিংকাংফাই ভিল্লেজদগীনি অদুগা হৌজিক হৌজিক্না বিষ্ণুপুর দিষ্ট্রিক্টকি ইরেংবমদা লৈবনি।
মখোয় অহুমদগী ফংবা ঙমখ্রবা খূৎশু- খূৎলায়শিং অদুদি, এম-২০ গী পিষ্টোল অমা, এম-২০ গী মেগজিন অমা, এম-২০ গী কাপ্পা য়ারিবা মরূ অনী, নাইন এম এমগী মরু ৩৪, ৭.৬২ এম এম ( এস এল আর) গী কাপ্পা য়ারিবা মরূ মঙা, বাউফেং ৱায়রলেস সেট অহুম অমসুং সেট চার্জর অমা ফাগৎখি হায়রি। মখাতাবা ইনভেষ্টিগেসনগীদমক মখোয় অহুম্মক মরী লৈনবা পুলিস ষ্টেসন্দা শিন্নখ্রে হায়রি।
You may also like
-
কোকোমিগী মাস এৱের্নেস কেম্পেইন ওফ টু য়ার্স ওফ মনিপুর ক্রাইসিস পাক- সন্না পাঙথোকপা হৌখ্রে
-
হান্নগী সি এম বিরেনগীনি হায়বা ওদিও ক্লিপকি ফোরেন্সিক রিপোর্ট এস সিদা লানখৎনবা শেম শাখ্রে
-
য়ুনিয়ন মিনিষ্টর জ্যোটিরাদিত্য এম সিন্দিয়ানা মনিপুরগী গভর্নর অজয় কুমার ভাল্লাগা উন্নখ্রে
-
ফ্লোরিদা ষ্টেট য়ুনিভর্সিটিদা মীওই অমনা নোংমৈনা কাপ্প দা অনী শিরে, তরুক শোক্লে
-
কাপিল সিবালনা সেন্টরবু অকনবা মওংদা মরাল শীখ্রে