মমাঙ চহীগী অরোয়বা দিসেম্বর থাগী ১৪ দা থৌবাল দিষ্ট্রিক্ট পুলিস কম্মান্দোগী টিম্না দিষ্ট্রিক্ট অসীগী মনূঙচন্না লৈরিবা সল্লুংফম হায় স্কুল মনাক্তা মৈতৈ মীয়ামগী পুন্সি অমসুং লন- থুম ঙাক্লিবা খুল ঙাকপা নহা অমবু নোংমৈনা কাপ্তুনা হাৎখিবা অমসুং অতোপ্পা ৬ না কম্মান্দো টিম অদূনা ফাদুনা পুখ্রগা ঙসীফাওবা থাদোক্তনা লৈরিবা অসীগী থৌওংবু কন্না য়ানিংদবা ফোঙদোক্তুনা লমদম অসীগী ঈমা মৈরা পায়বীশিংনা অকনবা খোল্লাউশিংগা লোয়ননা মফম কয়াদা পাক-সন্না খোঙজঙ চঙশীনবা লেপত্রি।
লৈঙাক্না খুল ঙাকপশিং হৌজিক ফাওবা থাদোক্ট্রিবা অমসুং ভিল্লেজ ভল্লন্টিয়র অমবু নোংমৈনা কাপ্তুনা হাৎখিবদা চেন্নবা পুলিস কম্মান্দো পার্সনেলশিং অমসুং মখোয়গী দাইত্য লৈবা ওফিসারশিংগী মথক্তা অকনবা দন্দি পীবগা লোয়ননা থবক্তগী টার্মিনেট তৌদ্রিফাওবা ঈমাশিংগী খোঙজঙ হন্দোকখিরোই হায়রি। মসিগী শরূক অমা ওইনা ঙরাংসু ইম্ফাল নোংচূপ পানাগী মালোম মায়কৈগী মৈরা পায়বীশিংনা অকনবা খোল্লাউশিংগা লোয়ননা মালোম তুলিয়ায়মদা লৈরিবা কোরাপূঙ কম্যুনিটি হোলদা সিট- ইন-প্রোটেষ্ট চত্থখ্রে।
চিফ মিনিষ্টর রিজাইন তৌ, মনিপুরদগী আফস্পা লৌথোক ঊ, খুল ঙাকপশিং হাৎপা অমসুং ফাবদা চেন্নরিবা পুলিস কম্মান্দোশিং চুরাচান্দপুর অমসুং কাংপোকপিদা ট্রান্সফর তৌ হায়না থাবা প্লেকার্দ কয়া ঈমাশিংনা পায়দুনা খোঙজঙ চঙশীনখিবনি।
You may also like
-
মীচম কয়ামরুম শোক্লে,এম পি এগী কাদরশিং পুথোকখ্রে
-
কাংপোকপি তম্না সেক্যুরিটি এস্কোর্ট তৌদুনা অচা-অথক পুরকপদা মীয়ামগা মূক্নখ্রে
-
চিফ মিনিষ্টরনা লেকচররশিংগা ফম্মিন্নদুনা চাওখৎ-থৌরাংগী মতাংদা খন্নখ্রে
-
এ সর্দা রাজ্য সভাগী মেম্বর ওইনা ৱাশক লৌখ্রে
-
লিলোং হাওরৈবী ঙাঙৌ লৌকোল পল্লি তাবা লম্বী হান্নগী মতৌগুম পাকথোক্লগনি