ইন্দিয়া লৈঙাক্না শেমগৎপা খূন্নেক্কি টেরোরিষ্টশিংনা মীচম-মীয়াম হাৎপা, লন-থুম মাঙহনবা, য়ূম মৈ থাবা অসীনচিংবা চত্থহন্দুনা মনিপুরগী য়েলহৌমী পূম্নমক তুম্না মাঙহন্দুনা মূত্থৎনবা থৌরাং তৌরক্লিবা অসীগী মায়োক্তা মশীং য়াম্লবা য়েলহৌমীশিংনা সিট-ইন-প্রোটেষ্ট চত্থখ্রে।
মীয়ামগী লন-থুম পাক্তক্ননা মাঙহল্লিবা, মীওই কয়া হাৎলক্লিবা, য়ূম লীশীং কয়ামরুম মৈ থাদোকখিবদগী মীওই লীশিং ৬০ রোম লাঞ্জেন্নহন্দুনা রিলিফ কেম্পশিংদা চঙজফম লৌদুনা লৈহল্লিবা থৌশিল অসী খূদক্তা লেপ্পু হায়বা খোল্লাউশিংগা লোয়ননা ঙরাং উচিৱাদা লৈবা পাখঙবা কম্যুনিটি হোলদা মীয়াম্না সিট-ইন-প্রোটেষ্ট চত্থখিবনি। পোইরৈ লৈমরোল মৈরা পায়বী লূপ, অমাৱোভা, কোহর অমদি এম এস এফকি লমজীং মখাদা লোকেল ওর্গানাইজেসনশিংনা শীন্দুনা প্রোটেষ্ট অদূ পাঙথোকখিবনি।
হৌজিক মনিপুরগী ওইরক্লিবা ফীভমশিং অসীদা ইন্দিয়া লৈঙাক্না লৌরিবা থৌদাং অসী করিনো, শাংলবা মতম অসীদা থোক্লিবা তমথিরবা হীঙশাগী থৌদোকশিং অসীগী ৱারোয়শিন পুরকপগী মহুৎ হেন্না হেন্না শন্দোকহন্দুনা য়েলহৌমীশিং মূত্থৎনবা হোৎনদুনা লৈরি। ইন্দিয়া লৈঙাক্না অরোনবা এজেন্দা অমগা লোয়ননা মনিপুরগী য়েলহৌমীশিং মূত্থৎনবা হোৎনগনু হায়বা খোল্লাউশিং লাউদুনা অকনবা প্রোটেষ্ট তৌখি।
