জৱাহরলাল নেহরু য়ুনিভর্সিটি, ন্যু দিল্লিদা ষ্টুডেন্টস য়ুনিয়নগী মীখল মাঙোইননা য়ুনিয়নগী মীফম পাঙথোক্লিঙৈ চৈরক্তা মহৈরোয়শিংগী মরক্তা অকনবা মওংদা নিঙাই শংদান্নরকপদগী খূৎ থোক্নখিবা থৌদোক অমদা ঙরাং মহৈরোয় কয়ামরুম অশোক- অপন মায়োক্নখ্রে।
ওল ইন্দিয়া ষ্টুডেন্টস এসোসিয়েসন ( এ আই এস এ) অমসুং আখিল ভার্টিয়া বিদ্যার্থী পরিষদ ( এ বি ভি পি) কি মহৈরোয়শিংগী মরক্তা অকনবা মওংদা নিঙাই শংদান্নরকপদগী খূৎ থোক্নখিবা থৌদোক অমদা মহৈরোয় কয়া শোকখিবনি। বি জে পিগী ষ্টুডেন্টস ৱিং অমা ওইরিবা এ বি ভি পিনা য়ুনিভর্সিটি অসীগী মনূঙগী ওইবা থবক থৌরমশিংদা কা হেন্না খূৎ থিংজিন্দুনা খাবৈ-খারা শারকপদগী পামদবা থৌদোক অদূ থোক্লকখিবনি হায়না এ আই এস এনা মরাল শীখি।
অমরোমদা জে এন য়ু ষ্টুডেন্টস য়ুনিয়নগী প্রসিদেন্টসু ওইরিবা এ আই এস এগী লুচিংবা নিটিস কুমারনা মরম ওইরগা খৎন-চৈনবা অমসুং খূৎ থোক্নবগী থৌদোক অদূ মায়োক্নহনখিবনি হায়না এ বি ভি পিগী মায়কৈদগী মরাল শীরক্লি।