ইন্দিয়ান স্পেস রিছার্স ওরগনাইজেসন ( ইসরো) অমসুং য়ু এসকি নাসা অনীনা এপরচর রাদর মিসন মায় পাক্না শুন্দ্রংদা থাগৎখ্রবা মতূঙদা হৌজিক অমুক টোন ৬.৫ লূম্বা ব্লূ বার্দ-৬ হায়না খঙনবা সেট্টলাইট অমা থাগৎননবা থৌরাং তৌরি।
কম্যুনিকেসন সেট্টলাইট অসী য়ু এসতা বেজ তৌবা এ এস টি স্পেস মোবাইলনা দেভলপ তৌবনি। লৈবাক অসীগী হরিকোতাদা লৈরিবা সট্টিস ধাৱন স্পেস সেন্টরদগী সেট্টলাইট অসী থাগৎলবা য়াই অদূমকপু চপ চানা সেট্টলাইট অসী থাগৎনবগী মফম, মতম্নচিংবদু প্রাইম মিনিষ্টর নরেন্দ্র মোদিনা লাউথোক্কনি হায়রি।
লো আরথ ওর্বিট সেট্টলাইট অসী মায় পাক্না শুন্দ্রংদা থাগৎপা ঙম্লবদি কম্যুনিকেসন অমসুং ঈ-পাউগী লমদা য়াম্না নীঙথিনা খূম্মাঙ চাওশীনবা ঙম্লগনি হায়রি। লৈবাক অসীনা গঙ্গায়ান মিসন পায়খৎলিবা অসীগী মখা তারকপদা হন্দক মিসন অসীগী অনৌবা এদিসনগী সেট্টলাইট মায় পাক্না থাগৎনবা থৌরাং তৌরে হায়না ইসরোগী চ্যেরমেন দা. ভী নরায়নন না ফোঙদোরক্লি।