অন্ধ্র প্রদেশকি কর্নুলদা পেসেঞ্জর ৪১ পুদুনা লাকখিবা বস অমা খঙহৌদনা মৈ চাক্লকপদা, মদূদা তোংলকখিবা মীওই ২১ শিখ্রে অদুগা পেসেঞ্জর কয়া অমনা চোংরকপদা শোকপদগী হোস্পিটালদা পুখত্তুনা লায়কন্নখ্রে। বস অদূ হায়দ্রবাদতগী বেঙ্গলুরু তম্না লাকখিবগী লম্বীদা কার্নুল ভিল্লেজদা খঙহৌদনা মৈ চাক্লকপদা খুদোংথিবা অদূ নংখিবনি হায়রি।
অহানবা ফংবা রিপোর্ট অমগী মতূঙ ইন্না, বস অদূগী মমাঙথংবা শরুক্তগী হান্না মৈ চাক্লকখ্রবা মতূঙ য়াম্না থুনা মনীঙথংবা শরুক্তসু শন্দোরকখি। মদুনা মরম ওইদুনা অয়াম্বা পেসেঞ্জরশিং বসতগী চেন্থোকপা নংখিদে। অদূম ওইনমক পেসেঞ্জর খরদি ইমর্জেন্সি এগজিট থুগাইরগা চোংথবা য়াওখি।
মখোয়শিংদু শোকপদগী কর্নুলদা লৈবা কর্নুল গভর্নমেন্ট হোস্পিটালদা পুখত্তুনা লায়কন্নখি। প্রাইভেট বোলভো বস অদূ ঙরাং অঙনবা অয়ূক পূঙ ৩.৩০ রোম তারকপদা মৈ চাক্লকখিবনি হায়রি। থৌদোক অদূগী মতাংদা অথোরিটিনা থিজিনবা হৌখ্রে।
You may also like
-
স্পোট পেন্টীং কম্পিটিসন, ক্বিজগী থৌরম পাঙথোকখ্রে
-
নেস্নেল হায়ৱে-৩৭ দা লম্বী চৎপা য়ারমদবদু শেংদোকখ্রে, গারিশিং চৎপা হৌখ্রে
-
থাঙ-তা মশান্না অসী ওলেম্পিক গেম্সতা য়াওহন্দুনা শান্নরোয়শিংদা কান্নবা পীবা য়াই: প্রেমকুমার
-
লৈঙাক অমা নীংথিনা চল্লাইনবা হোৎনবদা মেদিয়াগী অচৌবা থৌদাং লৈ: চরঞ্জিৎ
-
সেন্টরগী লুচিংবশিংদা নোঞ্জরগা লৈঙাকপগী মহূৎ শিজখিবনা শরূক চাম্মা হেন্না ফৈ: ইবোবি