ইন্দিয়ান রেদ ক্রোস সোসাইটি মনিপুর ষ্টেট ব্রাঞ্চ (আই আর সি এস) কি জেনেরেল সেক্রেটরি নবচন্দ্রনা লুচিংবা টিম অমনা ঙরাং মনিপুরগী গভর্নর অজয় কুমার ভাল্লাগা উনদুনা ৱাফম কয়ামরুম খন্নখ্রে।
হৌখিবা কুমশিং ২০২৩গী মে অহুমদগী হৌরকখিবা মৈতৈ-কুকি কম্যুনিটি অনীগী ঈরাঙদা হৌজিক ফাওবদা লাঞ্জেন্নদুনা লৈরিবা ময়ূম -মকৈ মৈ থাদোকপিখ্রবা,রিলিফ কেম্পশিংদা লৈরিবা আই দি পিশিংদা মতেং পাংদুনা মীয়ামগী সেবা মপূঙফানা তৌবগীদমক আই আর সি এস মনিপুর ষ্টেট ব্রান্সকি থৌমীশিংবু গভর্নরনা থাগৎপা ফোঙদোকখি।মরায়বক থীরবা আই দি পিশিং অসীগীদমক মখাতানা পাংবা য়াবা মতেং পাংখিগনি হায়না সোসাইটি অসীগী মায়কৈদগীসু ফোঙদোক্লমখি হায়রি।
রিলিফ কেম্পশিংদা লৈরিবা আই দি পিশিংনা হকসেলগী,নোংমদা তঙায়ফদনা চঙবা পোৎলমশিংগী মতাঙদা লৈঙাক্কি মেচিন্নরিশিংনা য়েংশিল্লবসু আই আর সি এস কুম্বা মীওইবগী সেবাদা কত্থোক্লবা ওরগনাইজেসনশিংনা চাউনা মতেঙ পাংশিল্লকপসি থাগৎনিঙায়নি,অপেনবা পোকই হায়না গভর্নরনা ফোঙদোরকখি হায়রি।