ইম্ফাল জুলাই ২১: হৌখিবা নোংমাইজিং নুমীৎকি অঙনবা অয়ূক্তা ইন্দিয়ান মিলিটরিনা খঙহৌদনা দ্রোন শীজীন্নদুনা সর্জিকেল ষ্ট্রাইক চত্থদুনা ম্যান্মারগী সগাইং রিজন্দা লৈবা য়ুনাইটেদ লিবরেসন ফ্রন্ট ওফ আসোম ( ঊলফা) ইন্দিপেন্দেন্ট কি কেম্পদা এট্টেক চত্থখ্রবা মতূঙদা থা অসীগী ১৯ দা ইন্দিয়ান আর্মীগী মকোকথোংবা ওফিসারশিংগী টিম অমা ম্যান্মারগী নাইপিটাউ দা চত্তুনা লৈবাক অদূগী মিলিটরি জুন্টাগী দিপ্যুটি চিফ সো ৱিনগা উনদুনা লৈবাক অনীগী মরক্তা লৈনরিবা সেক্যুরিটিগী, বোর্দর শেমগৎ-শাগৎপগী অমসুং অতৈ তোঙান- তোঙানবা হীরমশিংদা হেন্না মরী ফগৎলক্নবগী মতাঙদা খন্ন-নৈনখ্রে।
ইন্দিয়ান আর্মীগী টিম অদূ ইন্টিগ্রেটেড দিফেন্স ষ্টাফকি দিপ্যুটি চিফ লেফটেনেন্ট জেনরেল নাজয় প্রটাপ সিংহনা লুচিংখিবনি। ম্যান্মারদা য়ুহার হাখিবদা ইন্দিয়ানা চাউনা মতেং পাংখিবগী মতাংদসু নৌহৌননা নীংশিংমিন্নখি হায়রি।
হৌখিবা নোংমাইজিং নুমীৎকি অঙনবা অয়ূক্তা ইন্দিয়ান মিলিটরিনা খঙহৌদনা দ্রোন শীজীন্নদুনা ম্যান্মারগী সগাইং রিজন্দা লৈবা ঊলফাগী কেম্পতা এট্টেক চত্থদুনা লালহৌলূপ অদূগী মকোকথোংবা লুচিংবা ৩ য়াওনা কাদর ৫ হাৎখিবনি। থৌদোক অদুদা অতৈ লালহৌবা ১৯ সু অশোক- অপন নংহনখিবনি।
You may also like
-
স্পোট পেন্টীং কম্পিটিসন, ক্বিজগী থৌরম পাঙথোকখ্রে
-
নেস্নেল হায়ৱে-৩৭ দা লম্বী চৎপা য়ারমদবদু শেংদোকখ্রে, গারিশিং চৎপা হৌখ্রে
-
থাঙ-তা মশান্না অসী ওলেম্পিক গেম্সতা য়াওহন্দুনা শান্নরোয়শিংদা কান্নবা পীবা য়াই: প্রেমকুমার
-
লৈঙাক অমা নীংথিনা চল্লাইনবা হোৎনবদা মেদিয়াগী অচৌবা থৌদাং লৈ: চরঞ্জিৎ
-
সেন্টরগী লুচিংবশিংদা নোঞ্জরগা লৈঙাকপগী মহূৎ শিজখিবনা শরূক চাম্মা হেন্না ফৈ: ইবোবি