ইন্দিয়া লৈঙাক্না মনিপুরগী য়েলহৌমী অমা ওইরিবা অমসুং মনিপুরদা খ্বায়দগী মীশীঙ য়াম্না লৈরিবা মৈতৈশিংবু মূত্থৎনবা মখল কয়াগী প্রোক্সি ৱার চত্থদুনা অমসুং ইন্দিয়ান আর্মিশিংগী খূত্থাঙদা কিহন-খংহনবগী থৌওং কয়ামরুম চত্থদুনা লাক্লি। মসীগী শরুক অমা ওইনা হন্দকসু চৎলিবা থা অসীগী ২০ দা ঊখ্রূলদা পাঙথোকপা সিরুই লিলি ফেষ্টিবেলগী থৌরম হৌদোকপগী পাউ লৌবা চৎখিবা পাউমীশিংগী টিম অমবু লম্লাই কেন্দ্রগী মনূঙচন্না লৈরিবা গ্বালতাবিদা ইন্দিয়ান মিলিটরিনা খাম্লবা মতূঙদা বস অদুদা মনিপুর হায়না থারিবা ময়েকশিংদু লৌথোকউ হায়না খঙহল্লকপদগী খোয়শাওনরবা ঐখোয়গী লোকেল পাউমীশিং ফেষ্টিবেল পাঙথোক্লিবা মফমদু য়ৌরমদনা হল্লকখিবা থৌদোক অসী তরাইনা লৌবা য়ারোই হায়না অকনবা প্রোটেষ্ট তৌখ্রে।
ওল মনিপুর য়ুনাইটেদ ক্লবস ওরগনাইজেসনগী মায়কৈদগী হেন্না অকনবা খোঙজঙ চঙশীন্ননবা থৌরাং তৌদুনা লৈরে হায়না লূপ অসীগী জেনরেল সেক্রেটরি প্রতাপ লৈশাংথেম্না অকনবা ৱাফম ফোঙদোকখ্রে। অমুকোনা লুচিংদুনা ঙরাং শীঙজমৈদগী লিলোং ফাওবদা হ্যুমেন চেন শেমদুনা গ্বালতাবিদা ইন্দিয়ান চত্থখিবা থৌওং অদূ য়ানীঙদবা ফোঙদোক্তুনা পাঙথোকপা খোঙজঙদা ৱা ঙাঙবদা প্রতাপনা ৱাফম অসী ফোঙদোকখিবনি। গভর্নর অজয় কুমার ভাল্লানা মনিপুরগী মীয়ামদা এপোলোজাইজ তৌগদবনি, চিফ সেক্রেটরি, সেক্যুরিটি এদভাইজর অমসুং দি জি পি খূদক্তা রিজাইন তৌগদবনি হায়বা দাবীসু অমুকোনা তৌখি।
You may also like
-
য়ূম শাবিগনি হায়জীন্দুনা য়াম্লবা শেনফমশিং খোমগৎখ্রগা লোৎখিবগী মায়োক্তা মীয়াম হৌরকখ্রে
-
মীওই অনী লৈখিদবগী কেস এন আই এদা শিন্নখিবদু লৌথোকপিননবা সি এমদা তকশীনখ্রে
-
এ টি য়ুনিট ১৮ না জূলোজিকেল গার্দেন্দা শওম মচা অনী খূৎশীন্নখ্রে
-
মনিপুর য়ুনিভর্সিটিগী ১৫ শুবা কনভোকেসন পাঙথোকখ্রে
-
উকোক প্রাইমারি স্কুলগী ফীভম য়াম্না শোকচীল্লম্বা থেংনখ্রে