দাউন টাউন য়ুনিভর্সিটি আসামগী মীৎয়েং অমসুং থৌশিল মখাদা ইমপ্লিমেন্টেসন ওফ নেস্নেল ইদুকেসন পোলিসি (এন ই পি) -২০২০ ইন নোরথ ইষ্ট ষ্টেটস ৱিথ স্পেসিয়েল রিফরেন্স ইন মনিপুর হায়না মিংথোনবা নোংমগী ওইবা সেমিনর অমা ঙরাং ইম্ফাল গী হোটেল ক্লাসিক গ্ৰান্দেগী হোলদা পাঙথোকখ্রে।
থৌরমদুদা মনিপুর লৈঙাক অসীগী ইদুকেসন দিপার্টমেন্ট কি সেক্রেটরি এন প্রবিন্না অথোয়বা মীথূঙলেন ওইনা শরুক য়াখি। কাউন্সিল ওফ হায়র সেকেন্দরি ইদুকেসন মনিপুর (কোহসেম) গী চ্যেরমেন তখেল্লম্বম ওজিৎনা গেষ্ট ওফ ওনর অমসুং দাউন টাউন য়ুনিভর্সিটি আসামগী ফেকল্টি ওফ সাইন্স প্রোফেসর রাজিব শর্মনা থৌরম মপূ ওইনা শরুক য়াখি।
সেমিনার অদুদা এন ই পি-২০২০ চৎনরকপদা অৱাং নোংপোক লমদমগী মহৌশাগী ইদুকেসন সিষ্টেমদা পীরকপা চৈথেঙশিং, অনৌবা ইদুকেসন পোলিসি অসীনা পীরক্লিবা কান্নবশিং অমসুং মহৈরোয়শিংদা ফংহল্লিবা খুদোংচাবশিংগী মতাঙদা অকূপ্পা ৱাফম কয়ামরুম প্রোফেসর রাজিব শর্মনা ফোঙদোকখি।
ইদুকেসন সেক্রেটরি এন প্রবিন্না এন ই পি- ২০২০ না ফংহল্লিবা খুদোংচাবশিংগী মতাঙদা শুগাইবা ৱাফম কয়ামরুম থম্লদুনা, ঐখোয়গী হৌরক্লিবা মহৈরোয়শিং অমসুং মখোয়বু তাকপী-তম্বিরিবা ফেকল্টি শিংনা থিওরি অমসুং প্রাক্তিস অনীমক পূন্না চৎমীন্নহন্নবা হোৎনগদবনি হায়খি।
You may also like
-
নেস্নেল হায়ৱে-৩৭ দা লম্বী চৎপা য়ারমদবদু শেংদোকখ্রে, গারিশিং চৎপা হৌখ্রে
-
থাঙ-তা মশান্না অসী ওলেম্পিক গেম্সতা য়াওহন্দুনা শান্নরোয়শিংদা কান্নবা পীবা য়াই: প্রেমকুমার
-
লৈঙাক অমা নীংথিনা চল্লাইনবা হোৎনবদা মেদিয়াগী অচৌবা থৌদাং লৈ: চরঞ্জিৎ
-
সেন্টরগী লুচিংবশিংদা নোঞ্জরগা লৈঙাকপগী মহূৎ শিজখিবনা শরূক চাম্মা হেন্না ফৈ: ইবোবি
-
সোসিয়ল মেদিয়াগী চৈথেঙ মরক্তা অচূম্বা খন্দোকপদা অৱাবা কয়া মায়োক্নরি: হুংয়ো ৱার্সং