ইম্ফাল ময়োলদা অহানবা ওইনা মাও কৈথেল অমা চহী খরগী মমাঙদা হাংদোকখ্রবা মতূঙদা ঙরাং ইম্ফালগী শগোলবন্দ তেরা কৈথেলদা লৈবা আইদিয়েল ক্লবতা লিয়াংমাই ইম্ফাল কৈথেল অমা মনিপুরগী হান্নগী চিফ মিনিষ্টর নোংথোম্বম বিরেন্না অথোয়বা মীথূঙলেন ওইনা শরুক য়াদুনা হাংদোকখ্রে।
থৌরমদুদা শরুক য়াখিবা বিরেন্না হায়, ঐখোয়না মনিপুরদা লৈমিন্নরিবা ফূরূপশিংগী মরক্তা ঐখোয় কনানো, করম্না হৌরকখিবনো হায়বগী পুৱারি খঙমিন্নবগী তঙায়ফদবা লৈ। হৌরকফমগী ৱারী খঙমিন্নদ্রবদি নুংশিনবগী চাংসু হন্থরক্কনি। য়েলহৌ ফূরূপনিদি হায়রগা চিরবা তাঞ্জা লাক্লবদা অৱাবা তারিবা মীওই নত্রগা ফূরুপ অদুগী মতেং পাংশিনবগী মহুত্তা চেন্থোক্তুনা, খঙশীন- উশিন্নদনা লৈরবদি মদূ য়েলহৌ-ফূরুপ অমনি হায়বা য়ারোই। মচীন-মনাও ওইরবদি অৱাবা, খুদোংচাদ্রবা মতমদা নহাক্কিদমক ঐ লৈরি হায়না চোংথোরকপা ফূরূপ নত্রগা মীশক অদূ অশেংবা মরূপ্নি, অশেংবা ঈচীল- ইনাওনি।
লিয়াংমাই ফূরুপ্না মনিপুরগীদমক চোংথোরক্তুনা থবক তৌরকপসি অফবা খূদম্নি হায়না মখা তারদুনা বিরেন্না হায়, ঐখোয়না ঈচীল ঈনাও ওইবা, মরূপ ওইবশিং কনা কনানো, য়েক্নবনা কনানো হায়বসি মুন্না খঙজীনবা মথৌ তাই । লিয়াংমাই ফূরুপ্না পুথোকপা চীঙগী য়েঞ্ছাং-নাপী, মনা-মশীং ইম্ফালদা মরাং কায়না ফংবা ঙম্লগনি হায়নসু মহাক্না হরাওবা ফোঙদোকখি।ইবূধৌ মার্জিংনা শগোল কাঙজৈ শান্নরম্বা কৌব্রু চীঙদোলদা লৈরিবা মৈতৈ ফূরূপকি শেংলবা লাইফম য়ৌনা পি এম জি এস ৱাইগী মখাদা লম্বী শেম্ননবা প্লানসু লৈরে হায়না বিরেন্না মখা তাখি।
You may also like
-
মীতোপ খন্দোক্ট্রিফাওবা মীকোক থীবা য়ারোই:জে এফ দি
-
চিফ মিনিষ্টরনা ইম্ফাল রিভর রিজ্যুবনেসনগী থবক-থৌরম য়েংশিনখ্রে, লম্বী শেম্বগী থবক অথূবদা লোইশিন্ননবা খঙহনখ্রে
-
হোষ্টেল শাখিবগী পেন্দিংদা লৈহৌরিবা শেনফম লৈঙাক্না অথূবা মতমদা পীথোকপিয়ু: হোষ্টেল্লর মহৈরোয়শিং
-
চিফ মিনিষ্টারনা সাইনিক স্কুলগী অৱাৎ-অপা য়েংশিনখ্রে
-
গর্লস হোষ্টেল শঙ্গাখিবা চহী ১৫ হেল্লবা মতমসিফাওবা লৈঙাক্না বিল পীথোক্তবসি লাইবক থীবনি:এল তোম্বা