য়ূম্লোন্নরিবা ম্যানমার অমসুং বংলাদেসনচিংবা লৈবাকশিংদা তঙদূ-লৈতাদবা রাজনিটি অমসুং খুনাইগী ফীভমশিং মায়োক্নবা মরম্না মখোয়গা ঙমখৈ লোন্নরিবা মনিপুরগুম্বা মফমশিং,মরূওইনা চান্দেল দিষ্ট্রীক্ট অমসুং অতৈ বোর্দর এরিয়াশিংদা মীতোপ-মীয়ান কয়ামরূম আইনগী ৱাংমদা লোন্না চঙশীল্লকপগী অচৌবা চৈথেঙ অমা মায়োক্নরক্লি হায়না মিনিষ্ট্রি ওফ হোম এফ্যের্স না ফোঙদোরকপগা লোয়ননা অসীগুম্বা ইল্লিগেল ইম্মিগ্ৰেন্টশিং অসী মশক মুন্না খঙদোক্নবা ওনলাইন বাইওমেত্রিক রেজিষ্ট্রেসন চত্থনবা মনিপুরগী পি আর লৈঙাক্তা হোম এফ্যের্স মিনিষ্ট্রি না ইনৌ নৌবা এদভাইজরি অমা পীদুনা য়াথং তাউথরকখ্রে।
মিপাইনিঙায় ওইবা মওংদা চঙশীল্লক্লিবা মপানলমগী ইল্লিগেল ইম্মিগ্ৰেন্টশিং অসী ফোরেন্নর্স আইদেন্টিফিকেসন পোর্টেলগী খূত্থাঙদা য়াম্না চেকশীন্না মশক খঙদোক্কদবনি হায়নসু খঙহল্লকখ্রে।মখোয় অদু কদায়দগী লাকপা,করি মরমগী লাকপা হায়বনচিংবা রেকোর্দ তৌশিনগদবনি হায়না খঙহল্লকখি।
মনিপুরগী চান্দেল অমসুং অতৈ বোর্দর রিজন্দা অসীগুম্বা ইল্লিগেল ইম্মিগ্ৰেন্টশিং মশীঙ য়াম্না চঙশীল্লকপগী ইন্টলিজেন্স রিপোর্ট লৈরি হায়না মিনিষ্ট্রিগী এদভাইজরি অদূদা ময়েক শেংনা থম্লকখ্রেসু হায়রি।
You may also like
-
মীতোপ খন্দোক্ট্রিফাওবা মীকোক থীবা য়ারোই:জে এফ দি
-
চিফ মিনিষ্টরনা ইম্ফাল রিভর রিজ্যুবনেসনগী থবক-থৌরম য়েংশিনখ্রে, লম্বী শেম্বগী থবক অথূবদা লোইশিন্ননবা খঙহনখ্রে
-
হোষ্টেল শাখিবগী পেন্দিংদা লৈহৌরিবা শেনফম লৈঙাক্না অথূবা মতমদা পীথোকপিয়ু: হোষ্টেল্লর মহৈরোয়শিং
-
চিফ মিনিষ্টারনা সাইনিক স্কুলগী অৱাৎ-অপা য়েংশিনখ্রে
-
গর্লস হোষ্টেল শঙ্গাখিবা চহী ১৫ হেল্লবা মতমসিফাওবা লৈঙাক্না বিল পীথোক্তবসি লাইবক থীবনি:এল তোম্বা