চৎলিবা নভেম্বর থাগী হৌখিবা তারিখ ৮ দগী লাক্লিবা নবেম্বর ১২ ফাওবা ইম্ফাল ইষ্ট দিস্ট্রিক্টকি নিলকুথিদা লৈরিবা অর্বান হট তা চত্থরক্লিবা মনিপুর ইন্টর্নেস্নেল টেক্সটাইল এক্সপো (মনিটেক্স) ২০২৫ অসীগী হৌদোকখিবা নুমিৎকি নুমিদাংদা ঊৎখিবা মনিটেক্স ফেসন শো দা আই দি পি শিংনা শাবা ফিরোল কয়ামরুম শেত্তুনা অয়েংবা ভাবোকশিংগী মীৎয়েং চিংশিনবা ঙমখ্রে।
আই দি পি শিংনা ইন্দিরা চনূ ক্রিয়েসন্দা দিজাইন তৌদুনা শাবা ফীজোলশিং শেত্তুনা শরুক য়াখিবনি বিষ্ণুপুর,ক্বাক্তা,ঊৎলৌনচিংবা মফমশিংদা চঙজফম লৌদূনা লৈরিবা,হীঙশাগী ঈরাঙনা শোকহনবদগী ঙসীফাওবা রিলিফ কেম্পশিংদা লৈরিবা আই দি পিশিংনা ফিরোলশিং অদূ শাবনি।ফেসন শো অদূদা রসিয়াদগী লাকখিবা মীওই অনীসু শরূক য়াখি।
মনিপুর লৈঙাক্কি দিরেক্তরেট ওফ টেক্সটাইল্স,কম্মর্স এন্দ ইন্দষ্ট্রিজনা শীন্দুনা পাঙথোক্লিবা মনিটেক্স অসীদা লমদম অসীগী খূৎহৈরবা আর্টিসানশিংনা শাবা হেন্দলুম অমসুং হেন্দিক্রাফকি পোৎলম কয়ামরুম ঊৎলিবনি। ষ্টেট লৈঙাক্কি এদ্দিস্নেল চিফ সেক্রেটরি অনুরাগ ভাজপায়ি অমসুং দিপার্টমেন্ট ওফ টেক্সটাইল্স কম্মর্স এন্দ ইন্দষ্ট্রিজনা ফেসন শো অদূদা শরুক য়াখিবশিংদা ঈকায়খুম্নবা ঊৎপগা লোয়ননা খূদোলপোৎশিং খূৎশিন্নখি।ইন্দিরা চনূ ক্রিয়েসন অসী কুমশিং ২০১৫ দা হেন্দলুম প্রদক্টকি এৱার্দ ফংখিবনি অদুগা কুমশিং ২০১৮ দসু ৱিমেন ট্রান্সফোর্মিং ইন্দিয়া এৱার্দ ফংখ্রবনি।
You may also like
-
কংলাদা সি ঐচ ঐচ সি আই হৌদোক্তুনা শীৎ-শেংবগী থবক পায়খৎখ্রে
-
সঙাই ইথনিক পার্কতা ৱার্ল্ড টুরিজম ডে থৌরম পাঙথোকখ্রে
-
ইসিআই গী থৌওং য়ানিংদবা ফোঙদোক্তুনা কংগ্ৰেসনা প্রোটেষ্ট রেল্লি পাঙথোকখ্রে
-
এন আই এনা আইজোলদগী কুকি নহা অনী ফাগৎখ্রে
-
লুহোংবদা শেল চঙমনবনা ঐখোয়গী নহারোলশিং মতম চানা য়ূম পান্দবদগী মৈতৈগী মীশীং হন্থবা ওইরম্লে: নাউখম্বা