মনিপুরগী চিফ মিনিষ্টর নোংথোম্বম বিরেন্না চ্যের লৌদুনা ঙরাং পাঙথোকখিবা কেবিনেট মীফমনা মনিপুরগী মোল হীলশিং কন্ননবা থবক পায়খৎনবা ৱারেপ লৌখিবগা লোয়ননা হৈবোক চীঙ অসীবু রিজার্ভ ফোরেষ্ট এরিয়ানি হায়না লাউথোক্ননবা য়ানখ্রে।ঙরাং অয়ূক সি এমগী সেক্রেটরিয়েট্টা পূং অমরোমগী অতেনবা কেবিনেট মীফম অমা পাঙথোকখিবগা লোয়ননা ৱারেপ কয়া লৌখি হায়না ষ্টেট লৈঙাক্কি হেল্থ এন্দ ফেমিলি ৱেলফিয়র অমসুং আই পি আর মিনিষ্টর দা. সাপম রঞ্জন্না ফোঙদোকখি।
মালেম অসিদা ঐখোয় মীওইবনা অরেপ্পা লৈতনা উ-ৱা পাক্তক্ননা য়ান্থৎপদগী অঈং-আশাগী খলদা চাউনা অহোংবা লাক্তুনা হিংবদা অচৌবা চৈথেং মায়োক্নবা হৌরক্লি। মালেমসি নোংমা নোংমগী শাবা হেঙ্গৎলকপনা মহোশা মালেমশিদা হিংদুনা লৈরম্বা মখল কয়াগী শা-উচেক, নাপী-শীংনা, উপাল ৱাপাল কয়া কাঙখূল মূত্থরক্লি। পূম্নমক অসী ঐখোয় মীওইবনা থোকহঞ্জবনি, মদূগী ফত্তবা মহয় ঐখোয় ঈশাদা ভূমরেং ওইনা হল্লকপা হৌরে হায়না মিনিষ্টর দা সাপম রঞ্জন্না ফোঙদোকখি।
মনিপুরদসু উমং- ৱামং য়োকখত্তুনা ইকো-ফ্রেন্দলি ওইবা অকোয়বগী শক্তম ঙাক্না লৈননবা ঙরাংগী কেবিনেট মীফম অদুদা খন্নখি হায়না মহাক্না ফোঙদোকখি।
You may also like
-
আমিট শাহানা পারলিয়ামেন্টকি ফ্লোরদা ফোঙদোকখিবা ৱাফম অমা হায়বসি ওফিসেল অদুম্মক ওইরবনি: ইবোমচা
-
কোকোমিগী লমজিং মখাদা খুল ঙাকপশিং ফাবা হাৎপা য়ারোই হায়দুনা পাক-সন্না খোঙজঙশিং চঙশীনখ্রে
-
অফবা লৈঙাক-সাসন হায়বসি ট্রান্সপরেন্সি অমসুং এক্কাউন্টেবিলিটি লৈনা মীয়ামগী য়াইফনবা থবক তৌরিবা লৈঙাক অদূবুনি: বিরেন
-
পারলিয়ামেন্ট মমাঙদা রূলিং-ওপ্পোজিসন অনীগী মরক্তা অমনা অমদা মরাল থঙজিন্নদুনা চাউনা মূক্নবগী থৌদোক চত্থখ্রে
-
ঈং- তপ্পা মনিপুর অমা ওইহন্ননবা হোৎনবদা নাগাশিংগী অচৌবা থৌদাং লৈ: চিফ মিনিষ্টর