ইন্দিয়ানা মনিপুরদা য়েংলিবা মীৎয়েং হোংদোক্কদবনি, স্পোন্সর তৌরিবা খূৎলায় পায়বশিং লাকশীল্লু হায়না অমৱোভাগী প্রসিদেন্ট ৱাই কুঞ্জরানিনা ফোঙদোকখ্রে। ঙরাং গান্ধী মেমোরিয়েল হোলদা পাঙথোকখিবা ওল মনিপুর ৱিমেন্স ভলন্টরি এসোসিয়েশন ( অমৱোভা ) গী কুন্থরামঙারকশুবা মপোক কুম্মোনগা মরী লৈননা মহাক্না হায়, লমদম অসীদা চত্থরক্লিবা মীওৎ-মীনৈ, হিংবগী মমল লৈহন্দবগী থৌওং কয়া অসীদগী কন্ননবা অমসুং নূপী ওইবিশিংগী হক কন্ননবা পান্দমদা অমৱোভা লিংখৎলকখিবনি।
কুমশিং ১৯৮৯ দা লিংখৎখিবা লূপ অসীনা ঙসিফাওবদা মনিপুরগী মফম কয়াদা য়ুনিট কয়ামরুম হাংদোক্তুনা মীয়ামগী ইস্যু কয়াদা মাঙজীল থানা থবক তৌদুনা লাক্লিবনি। মখা তানসু থবক তৌদুনা মীয়ামগী ইস্যুশিং কোকহন্ননবা হোৎনদুনা অতৈ সিভিল সোসাইটি ওরগনাইজেসন কয়াগা খূৎশম্নদুনা চৎমিন্নখিগনি হায়খি।
নুঙাইরবা, চাওখৎলবা, সান্টি ওইরবা ঈরমদম মনিপুর অমা ওইহন্নবা ওরগনাইজেসন অসীনা হনবা লৈতনা থবক তৌখিগনি হায়না মহাক্না ফোঙদোকখি। কাঙলূপ কয়ানা পূন্না খুন্দামিন্নদুনা লৈরিবা লমদম অসিদা ঐখোয়গী ফূরূপশিংনা মশা-মশাগী ফূরূপখক্কি অপাম্বা, অনীংবদা থবক তৌদুনা অতৈ ফূরূপশিংদা অকায়বা ওইহনগদবা থবক তৌবগী মহুত্তা ফূরূপ পূম্নমক্কি কান্নগদবা থবক-থৌরমশিং পাঙথোকমিন্নরসি হায়না কুঞ্জরানিনা মখাতানা ফোঙদোকখি।
You may also like
-
মীচমগী য়ূমদা বোম লংশিনবা য়ানীংদে হায়বগী ৱাকৎ মীফম চত্থখ্রে
-
আই দি পিশিং মশাগী খুঙ্গংশিংদা হঞ্জিলহন্নবগী মতাঙদা লৈঙাক্কি মীফম পাঙথোকখ্রে
-
চিফ মিনিষ্টর য়ূম্নাম খেমচান্দ ঙরাং গুৱাহাটি দা থুংখ্রে, দিপ্যুটি সি এম অনীসু লোয়নরি
-
ৱাটর সপ্লাই স্কিম অথূবদা লোইশিন্দুনা মীয়ামদা থক্নবা ঈশীং ফংহন্দ্রবদি অকনবা খোঙজঙ চঙশীল্লগনি: এএয়ু
-
থবক কন্না শুদুনা, ঐখোয় মশেল মতেঙ পাংনদুনা পূন্না হিংমিন্নসি : তোম্বা