মনিপুরগী গভর্নর অজয় কুমার ভাল্লানা চান্দেল দিষ্ট্রিক্ট তা ঙরাং খোঙচৎ অমা পাঙথোক্তুনা দিষ্ট্রিক্ট অসিদা হৌজিক লৈরিবা লো এন্দ ওর্দরগী ফীভম য়েংশিনখিবগা লোয়ননা সেন্ট্রেল্লি স্পোন্সর্দ স্কিমশিং য়াওনা তোঙান- তোঙানবা দেভলপমেন্ট ইনিসিয়েটিবশিং করম্বা থাক্তা লৈরিবগে হায়বগী মতাংদা রিভ্যু মীটিং পাঙথোক্তুনা কূপ্না য়েংশিনখ্রে।
গভর্নরনা চান্দেল দিষ্ট্রিক্ট হেদক্বার্টর্স তা থুংলখিবদা দিষ্ট্রিক্ট অদূগী দিপ্যুটি কম্মিস্নার এল নন্দকুমার, দিষ্ট্রিক্ট লেভেল ওফিসারশিং অমসুং দিষ্ট্রিক্ট পুলিসকি এস পি বাবিতারানি স্বেইন না লুচিংবা পুলিস পার্সনেল কয়ানা হরাও-তরাম্না ওকখি। মহাক্না মফম কয়াদা কোয়না চত্তুনা মীয়ামগী য়াইফা-থৌরাংগা মরী লৈননা পায়খৎলিবা প্রোজেক্টশিং য়েংশিনখি।
মদূগী তুংদা দিপ্যুটি কম্মিস্নারগী ওফিস কমপ্লেক্সতা লৈবা কনফরেন্স হোলদা মহাক মশামক্না চ্যের লৌদুনা চাওখৎ- থৌরাংগা মরী লৈননা পায়খৎলিবা প্রোজেক্টশিং অদূগী মতাংদা রিভ্যু মীটিং পাঙথোকখি। দি সি নন্দকুমার অমসুং দি এল ওশিংনা তোঙান-তোঙানবা প্রোজেক্ট শিং পায়খৎলক্লিবা কয়া অদূগী প্রোগ্রেসকি মতাঙদা প্রজেন্টেসন পীখি।
লো এন্দ ওর্দর গী মতাঙদনা দিষ্ট্রিক্ট পুলিসকি এস পি ববিতারানি স্বেইন না গভর্নরদা ব্রিফিং পীখি। মীয়ামদা ফংহনফম থোকপা স্কিমশিংগী বিনিফিট পূম্নমক মপূঙফানা ফংহন্ননবা দিষ্ট্রিক্ট ওফিসিয়েলশিংনা কত্থোকপগা লোয়ননা থবক তৌগদবনি হায়না গভর্নরনা মরী লৈনবশিংদা অকনবা ইন্সট্রক্সনসু পীরমখি।
You may also like
-
য়ূম শাবিগনি হায়জীন্দুনা য়াম্লবা শেনফমশিং খোমগৎখ্রগা লোৎখিবগী মায়োক্তা মীয়াম হৌরকখ্রে
-
মীওই অনী লৈখিদবগী কেস এন আই এদা শিন্নখিবদু লৌথোকপিননবা সি এমদা তকশীনখ্রে
-
এ টি য়ুনিট ১৮ না জূলোজিকেল গার্দেন্দা শওম মচা অনী খূৎশীন্নখ্রে
-
মনিপুর য়ুনিভর্সিটিগী ১৫ শুবা কনভোকেসন পাঙথোকখ্রে
-
উকোক প্রাইমারি স্কুলগী ফীভম য়াম্না শোকচীল্লম্বা থেংনখ্রে