চৎলিবা দিসেম্বর থা অসীগী ০৭ তা মনিপুর লৈঙাক্কি হেল্থ এন্দ ফেমিলি ৱেলফ্যের মিনিষ্টর দা. সাপম রঞ্জন্না অথোয়বা মীথূংলেন ওইনা শরুক য়ারদুনা নুমিৎ ১০০ চূপ্না চত্থগদবা টিবি মুক্ত ভারত অভিয়ান কেম্পেইন ইম্ফাল গী চীঙমৈরোংদা লৈবা হোটেল ক্লাসিক গ্ৰান্দেদা হৌদোকখ্রে। ইন্দিয়া পূম্বদা লৈরিবা ষ্টেট ২৮ অমসুং য়ুনিয়ন টেরিটোরিশিংদা নুমিৎ ১০০ নি চূপ্না কেম্পেইন অসী চত্থগদবনি। মনিপুরগী ওইনা ইম্ফাল ইষ্ট, থৌবাল, ককচীঙ, চুরাচান্দপুর, চান্দেল অমসুং কাংপোকপি হায়রিবা দিষ্ট্রিক্ট তরুক অসীদা টিবি লায়নাদগী ঙাকথোক্নবা অমসুং লায়না অসী মরূ ফূক্তোক্তুনা মাঙহন্ননবা পান্দমদা এৱের্নেস কেম্পেইন য়াওনা মখল-মখা কয়াগী থৌরমশিং অখঙ- অহৈ কয়া শরুক য়ারদুনা পাঙথোক্কদৌরি।
টিবি লায়না মপূংফানা ইন্দিয়াদগী মূত্থত্তুনা, লায়না অসীগী অকিবা অমত্তা লৈত্রবা লৈবাক অমা ওইহন্ননবা পান্দমদা চত্থরক্লিবা কেম্পেইন অসী হৌখিবা কুমশীং ২০১৮ দগী হৌরকখিবনি।
মিনিষ্টর দা. রঞ্জন্না টিবি ইলিমিনেসন প্রোগ্রাম হৌদোকপা থৌরম অদুগী শরুক অমা ওইনা কেম্পেইন অসীদা শরুক য়াগদবা পার্টিসিপেন্টশিং লমথাখি। নেস্নেল টিবি ইলিমিনেসন প্রোগ্রাম অমসুং নেস্নেল হেল্থ মিসন, মনিপুর অনীনা খূৎশম্নদুনা হৌদোকপা থৌরম অদুদা ষ্টেট লৈঙাক অসীগী হেল্থ এন্দ ফেমিলি ৱেলফ্যের সার্ভিসেসকি স্পিসিয়েল সেক্রেটরি হুংয়ো ৱোরসং অমদি দিপার্টমেন্ট অসীগী দিরেক্তর দা. চাম্বো গোলমৈসু শরুক য়াখি।
You may also like
-
আমিট শাহানা পারলিয়ামেন্টকি ফ্লোরদা ফোঙদোকখিবা ৱাফম অমা হায়বসি ওফিসেল অদুম্মক ওইরবনি: ইবোমচা
-
কোকোমিগী লমজিং মখাদা খুল ঙাকপশিং ফাবা হাৎপা য়ারোই হায়দুনা পাক-সন্না খোঙজঙশিং চঙশীনখ্রে
-
অফবা লৈঙাক-সাসন হায়বসি ট্রান্সপরেন্সি অমসুং এক্কাউন্টেবিলিটি লৈনা মীয়ামগী য়াইফনবা থবক তৌরিবা লৈঙাক অদূবুনি: বিরেন
-
পারলিয়ামেন্ট মমাঙদা রূলিং-ওপ্পোজিসন অনীগী মরক্তা অমনা অমদা মরাল থঙজিন্নদুনা চাউনা মূক্নবগী থৌদোক চত্থখ্রে
-
ঈং- তপ্পা মনিপুর অমা ওইহন্ননবা হোৎনবদা নাগাশিংগী অচৌবা থৌদাং লৈ: চিফ মিনিষ্টর