Manipur

দিল্লি কার বোম ব্লাষ্টতা চেন্নবা দা. উম্মরগী ময়ূম সেক্যুরিটি ফোর্সনা থুগাইখ্রে

By Sonakshi Sarkar / November 15, 2025

হন্দক লৈবাক অসীগী কেপিটেল ন্যু দিল্লিদা লৈবা রেদ ফোর্ট মনাক্তা কার বোম পোকখায়হন্দুনা মীওই ১৩ শিহনখিবা অমসুং অতৈ মীওই ২০ হেন্না অশোক -অপন থোকহনখিবা থৌদোক্তুদা হকথেঙননা চেন্নবনি হায়বা দা.উম্মর মোহম্মদকি কাস্মিরদা লৈবা ময়ূম ঙরাং অঙনবা অয়ূক্তা সেক্যুরিটি ফোর্সনা আই ঈ দি শীজিন্নরগা থুগাইখ্রে।

সেক্যুরিটি ফোর্সকি টিম অদূনা য়ূম অদূদা চঙলগা মদূদা লৈরম্বা মীওইশিং মপান্দা থোকহনখ্রবা মতূঙদা আই ঈ দি শীজিন্নরগা য়ূম অদূ থুগাইখিবনি হায়রি। মহাক্কি য়ূম অদূ খা থংবা কাস্মিরগী পুলৱামা দিষ্ট্রিক্টকি মনূংদা লৈবা ক্বিল ভিল্লেজদা লৈবনি।

ফারিদাবাদকি অল – ফল্লাহ য়ুনিভর্সিটি দা দাক্তর ওইনা থবক তৌরিবা উম্মরনা আই -২০ কার অমা থৌদুনা লাক্লবা মতূঙদা রেদ ফোর্ট মনাক্কি নেটাজি সুভাস মার্গতা খামখিবনি লোয়ননা লালহৌবশিংদা ইঙ্গিৎ অমা পীবা ওইনা মহাক মশামক্না কার বোম অদূ পোকখায়হনখিবনি হায়বসি ইনভেষ্টিগেটরশিংনা খঙবা ঙমখিবনি।

Leave a Reply Cancel reply