মতম কুইনা লৈঙাক্না শেমজীনবিদনা লৈরকপদগী মীয়ামগী চত্থোক-চৎশীন্দা খম থেংনা অৱাবা অমদি খুংদোংচাদবা কয়া মায়োক্নদুনা লাক্লিবা ইম্ফাল -পাঙ্গৈ-সাইকুল রোদ অসী মনিপুর লৈঙাক্না শেম্বা হৌদ্রিফাওবা,লাক্লিবা দিসেম্বর ২৪ দগী মতম কক্তনা থিংজিল্লগনি হায়না ইম্ফাল সাইকুল রোদ জোইন্ট দেভলপমেন্ট কম্মিটি (আই এস আর জে দি সি) পাঙ্গৈগী কনভিনর তোঞ্জম সোমোর্জিৎ না ফোঙদোকখ্রে।
পাঙ্গৈ য়াঙদোং কৈথেলদা লৈবা পাঙ্গৈ য়াঙদোং য়ূথ দেভলপমেন্ট এসোসিয়েসনগী ওফিসতা পাঙথোকখিবা থৌরম অমদা মহাক্না ৱাফম অসী ফোঙদোক্লদুনা হায়,পি আর লৈঙাক লাক্ট্রিঙৈ,পোপ্যুলর লৈঙাক লৈরিঙৈদগী হৌনা ইম্ফাল-পাঙ্গৈ-সাইকুল লম্বী অসী শেমজীনবীনবা কয়ারক হন্না তকশীন্দুনা লাক্লিবনি। মসীগীসু মথক্তা হৌখিবা নবেম্বর ২২ দসু লম্বী অসীগী মতাঙদা মীৎয়েং চঙবীদুনা অথুবদা শেমজীনবীনবা মনিপুরগী গভর্নর অজয় কুমার ভাল্লাদা মেমোরেন্দম পীদূনা তকশীনখি।
লৈঙাক অসীনা ওইথোকপা য়াবা,থাজনিঙায় ওইবা থবক অমত্তা ঙসীফাওবা পায়খৎলক্তবদগী হয়েংদগী মতম কক্তনা লম্বী অসী থিংবগী খোঙজঙ চঙশীনগদৌরিবনি,খোঙজঙ অসীদা লম্বী অসীগী নাক-য়েত্তা লৈরিবা মীয়াম্না মপূঙফাবা মতেঙ পাংবিয়ু হায়বা ৱাফম সোমোর্জিৎনা মখাতানা ফোঙদোকখি। মহৈরোয়শিংনা ফাইনেল এগজামিনেসন পীবগী মতম ওইখিবদগী লম্বী থিংবগী খোঙজঙ অসী য়ৈথোক্তুনা লাকখিবনি হায়নসু মহাক্না নীঙশীংখি।
You may also like
-
মীতোপ খন্দোক্ট্রিফাওবা মীকোক থীবা য়ারোই:জে এফ দি
-
চিফ মিনিষ্টরনা ইম্ফাল রিভর রিজ্যুবনেসনগী থবক-থৌরম য়েংশিনখ্রে, লম্বী শেম্বগী থবক অথূবদা লোইশিন্ননবা খঙহনখ্রে
-
হোষ্টেল শাখিবগী পেন্দিংদা লৈহৌরিবা শেনফম লৈঙাক্না অথূবা মতমদা পীথোকপিয়ু: হোষ্টেল্লর মহৈরোয়শিং
-
চিফ মিনিষ্টারনা সাইনিক স্কুলগী অৱাৎ-অপা য়েংশিনখ্রে
-
গর্লস হোষ্টেল শঙ্গাখিবা চহী ১৫ হেল্লবা মতমসিফাওবা লৈঙাক্না বিল পীথোক্তবসি লাইবক থীবনি:এল তোম্বা