মনিপুর এন্দ নাগালেন্দ সেক্তর, সেন্ট্রেল রিজার্ব পুলিস ফোর্স (সি আর পি এফ) কি থবক্তগী পোত্থাখিগদৌরবা ইন্সপেক্টর জেনরেল দা. বিপুল কুমার অমসুং মহাক্কি মহুৎ শিন্দুনা নৌনা থৌ পুরগদবা আই জি রাজেন্দ্র নরায়ন দাস অনিনা ঙরাং ইম্ফালগী রাজ ভবন্দা চত্তুনা মনিপুরগী গভর্নর অজয় কুমার ভাল্লাগা উনখ্রে। মকোক থোংবা সি আর পি এফ লুচিংবা অনিনা হৌজিক মনিপুরদা থোক্লিবা হীঙশাগী ঈরাং অসী লাকশিন্ননবা হোৎনবদা সেন্ট্রেল সেক্যুরিটি ফোর্স না লৌখৎলক্লিবা থৌরাংশিং রিভ্যু তৌমিন্নদুনা খন্ন-নৈনখি।
সেন্ট্রেল পেরামিলিটরি ফোর্স অসিনা ষ্টেট অসিদা লো এন্দ ওর্দর মেন্টেন তৌননবা হোৎনদুনা হৌজিক লৌখৎলিবা সেক্যুরিটি দিপ্লোয়মেন্ট অমসুং ওপরেস্নেল এক্তিভিটিশিংগী মতাংদা গভর্নরদা ব্রিফিং পীদুনা পাউদমখি। ষ্টেট অসিদা থোক্লিবা ঈরাং অসী মপূঙফানা লোইশিন্ননবা হোৎনবদা সেন্ট্রেল সেক্যুরিটি ফোর্স অমসুং ষ্টেট পুলিসকি মরূওইবা থৌদাংশিং অদূ গভর্নরনা পন্দুনা ৱাফমশিং ফোঙদোকখি।
সি আর পি এফনা লো এন্দ ওর্দর ঙাক্ননবা অমসুং হীঙশাগী থৌদোকশিং মখাতানা মনিপুরদা থোকহন্দনবা হোৎনরিবা কয়ফোঙদোকখ থাগৎখিবগা লোয়ননা গভর্নরনা অপেনবসু ফোঙদোকখি।
You may also like
-
কাংপোকপি তম্না সেক্যুরিটি এস্কোর্ট তৌদুনা অচা-অথক পুরকপদা মীয়ামগা মূক্নখ্রে
-
চিফ মিনিষ্টরনা লেকচররশিংগা ফম্মিন্নদুনা চাওখৎ-থৌরাংগী মতাংদা খন্নখ্রে
-
এ সর্দা রাজ্য সভাগী মেম্বর ওইনা ৱাশক লৌখ্রে
-
লিলোং হাওরৈবী ঙাঙৌ লৌকোল পল্লি তাবা লম্বী হান্নগী মতৌগুম পাকথোক্লগনি
-
খূরায়গী মীওই ৮৭৬ তা নফসাগী কার্দ য়েন্থোকখ্রে