ঙরাং অয়ূক অঙনবদা ঊখ্রূলদগী ইম্ফাল তম্না পেসেঞ্জরশিং পুরগা লাকখিবা ৱিঙ্গর ভেন অমা শকখঙদবা, কুকি মিলিটেন্টশিং ওইগনি হায়না চিংনবা খূৎলায় মতীকচানা পায়বশিংনা খাম্লবা মতূঙদা নোংমৈ চীন্দোন্দা কিহন্দুনা পেসেঞ্জরশিং অদূ কিদনেপ তৌখ্রে। পেসেঞ্জরশিং পুদুনা লাকখিবা ৱিঙ্গর ভেন অদুনা ইম্ফাল-ঊখ্রূল লম্বীগী মোঙ্কোৎ চেফূ ভিল্লেজ মনাক্তা য়ৌশিল্লকখিবা মতমদা খূৎলায় পায়বা শকখঙদবশিং অদুনা খাম্লক্লবা মতূঙদা পেসেঞ্জরশিং অদূ অশুকপা উমংশিংদা ফাওদুনা পুখিবনি হায়রি।
শকখঙদবশিংনা পেসেঞ্জরশিং অদূ পুদুনা চৎখিবগী ভিদিও ফুট্টেজশিং তোঙান-তোঙানবা সোসিয়ল মেদিয়া প্লেৎফোর্মশিংদা থাগৎনরকখি।থৌওং অদূদা অকিবা পোক্লবা অহল অমনা ঈমূঙ-মনূঙগী মীওইশিংদা কোল তৌদূনা খঙহল্লকখিবা মতূঙ ইন্না, পেসেঞ্জরশিং অদূ জঙ্গলগী লম্বীদা কোয়পূ পুদুনা চৎলি, শঙ্কাই কুকি খুল মায়কৈরোমদা চৎলি হায়না ফোঙদোরকখি হায়রি।
চৈরকশিদা ঙরাং অয়ূক পূঙ ১০ রোম তারকপদা থোয়ি অমসুং শাংকি কুকি খুলশিংগী লোন্নবদা খূৎলায় পায়বা মিলিটেন্ট শিংগী মরক্তা অকনবা মওংদা নোংমৈ কাপ্নখ্রে। অদূম ওইনমক মখোয় কাঙলূপ অনীদূ করম্বা কাঙলূপশিং ওইরিবগে হায়বদি হৌজিকফাওবা কনফার্ম তৌবগী ৱাফম লৈত্রি হায়রি।
You may also like
-
মেদিয়া,জর্নেলিজমগী মরূওইবশিং খন্নখ্রে
-
থৌবাল কোর্ট কমপ্লেক্সতা এন আই এগী অখন্নবা কোর্ট অমা হাংদোকখ্রে
-
মালাবার গ্ৰূপকি হঙ্গর ফ্রী ৱার্ল্দ না লৈফম-চাফম লৈজদ্রবশিংদা অনৌবা আশা পীবা ঙম্লে
-
সূ দা লৈরিবা কূকি মিলিটেন্টশিং লাকশীন্নবা এন দব্লিয়ু য়ূনা দাবী তৌরি
-
বোম লংশিন্দুনা পোকখায়হনখ্রে, মীয়াম্না পেন্দবা ফোঙদোক্তুনা ৱাকৎ মীফম চত্থখ্রে