মনিপুর লৈঙাক্কি ম্যুনিসিপাল এদমিনিষ্ট্রেসন, হাওসিং এন্দ অর্বান দেভলপমেন্ট (মাহুদ) দিপার্টমেন্ট কি ওফিসিয়েলশিংনা থা অসীগী মাপন্দা ইম্ফালগী রাজ ভবন্দা চত্তুনা ষ্টেট অসীগী গভর্নর অজয় কুমার ভাল্লাগা উনদুনা ক্লিন ইম্ফাল সিটি কেম্পেইনগা মরী লৈননা ম্যুনিসিপাল এদমিনিষ্ট্রেসন, হাওসিং এন্দ অর্বান দেভলপমেন্ট (মাহুদ) দিপার্টমেন্টনা হৌজিক পায়খৎলিবা থবক থৌরমশিংগী অকূপ্পা প্রজেন্টেসন থমদুনা গভর্নরদা পাউদমখ্রে।
অজয় কুমার ভাল্লানা চ্যের লৌদুনা রাজ ভবনগী কনফরেন্স হোলদা পাঙথোকখিবা মীফম অদুদা মাহুদকি প্রিন্সিপাল সেক্রেটরি আর কে দিনেশ সিংহ অমসুং দিপার্টমেন্ট অসীগী দিরেক্তর ঙাঙোম উত্তম্না ইম্ফাল সিটি লূ-নান্না থম্ননবা পায়খৎলক্লিবা থবক-থৌরমশিংগী মতাঙদা নীঙথীনা অকূপ্পা প্রজেন্টেসন থমদুনা গভর্নরদা খঙহনখিবগা লোয়ননা হৌজিক থবকশিং অসী লৌখৎলকপদা মায়োক্নরিবা খুদোংচাদবা, শীঙনবা কয়াগী মতাঙদসু শন্দোক্না পাউদমখি।
ম্যুনিসিপাল ৱেষ্ট মেনেজমেন্ট, সোলিদ ৱেষ্ট কল্লেক্সন, ট্রান্সপোর্টেসন অমসুং দিস্পোজেলনচিংবগী মতাঙদসু কূপ্না খন্ন-নৈনখি। লৈরিবা ময়াম অসীগী তুংকোইবা সোল্যুসন অমা পুরক্ননবা হোৎনবদা থেংনরিবা শীঙনবা কয়াগী মতাঙদসু নৈনখিবগা লোয়ননা মখোয়শিংদু মপূঙফানা এদ্রেস তৌনবগী ৱাফমশিং খন্নখি। স্মার্ট ৱেষ্ট মেনেজমেন্টকা মরী লৈনবা সবজেক্ট কয়াগী মরমদসু খন্নখি অদুগা লমদেং সোলিদ ৱেষ্ট মেনেজমেন্ট প্লান্ট অসী রিনোভেসন তৌননবগী মতাঙদসু ৱাফম কয়া খন্নখি।
You may also like
-
য়ূম শাবিগনি হায়জীন্দুনা য়াম্লবা শেনফমশিং খোমগৎখ্রগা লোৎখিবগী মায়োক্তা মীয়াম হৌরকখ্রে
-
মীওই অনী লৈখিদবগী কেস এন আই এদা শিন্নখিবদু লৌথোকপিননবা সি এমদা তকশীনখ্রে
-
এ টি য়ুনিট ১৮ না জূলোজিকেল গার্দেন্দা শওম মচা অনী খূৎশীন্নখ্রে
-
মনিপুর য়ুনিভর্সিটিগী ১৫ শুবা কনভোকেসন পাঙথোকখ্রে
-
উকোক প্রাইমারি স্কুলগী ফীভম য়াম্না শোকচীল্লম্বা থেংনখ্রে